পথৰ কাষতে এহাল দম্পতিৰ শান্তিৰ আশ্ৰম! কৰুণ কাহিনীয়ে চকু সেমেকাব আপোনাৰ...

ডিজিটেল সংবাদ,নগাঁও : চাৰি খুটাৰ ওপৰত চালি নাথাকিব পাৰে ৷ কিন্তু য’ত এতিয়া দুয়োজন আছে সেয়া শান্তিৰ আশ্ৰম ৷ এটি আট্টালিকা নিৰ্মান কৰিবলৈ সাম্প্ৰতিক সময়ত বিভিন্নজনে আপোনজনকে প্ৰবঞ্চনা কৰি লুটপাত চলাইছে সেই সময়ত নগাঁৱৰ ৰাজপথৰ কাষতে ককা আইতাই নিৰ্মান কৰিছে শান্তিৰ আশ্ৰম ৷

নেহৰুবালিৰ দমকলটোৰ পৰা পানীখিনি ফ্ৰি পাইছো ৷ তাৰ বাহিৰেও সকলো কিনো - এই মক্তব্য ৬৫ বছৰীয়া বিৰেন বনিয়াৰ ৷ বনিয়াক প্ৰশ্ন কৰাত ক’লে পুৱাৰ পৰা ইটো সিটো কাম কৰি যি পাওঁ বজাৰ কৰি আনো আৰু দিনৰ ভাত সাজ উলিয়াও ৷ দিনটো এনেই নাথাকো ৷ যি পাৰো কৰি থাকো ৷

নেহৰুবালিৰ পথৰ কাষত আশ্ৰয় বনিয়া দম্পত্তিৰ ৷ নগাঁও জিলাৰ বঢ়মপুৰ আদৰ্শ গাঁৱৰ বীৰেন বনিয়া আৰু ৰূপালী বনিয়াৰ এই দুৰ্বিসহ জীৱন আৰম্ভ হ’ল ক’ভিড পৰিস্থিতিৰ বাবে ৷ মাকুমৰ এটি প্লাই ফেক্টৰিত কাম কৰিছিল বীৰেন বনিয়াই ৷ প্ৰায় পোন্ধৰ বছৰ ধৰি ফেক্টৰিটোত কাম কৰি থকাৰ সময়ত ক’ভিড পৰিস্থিতিৰ বাবে উদ্যোগটো বন্ধ হৈ পৰে ৷ মাকুমৰ পৰা পত্নীক লৈ একাধিক প্ৰত্যাহবান নেওচি দুয়ো নগাঁও পালেহি ৷

ক’ভিড পৰিস্থিতি শাম কটাত পুনৰ বীৰেন বনিয়া পত্নীক লগত লৈ ওলাল মাকুমৰ প্লাই উদ্যোগটোত কাম কৰা মানসেৰে ৷ তেওঁৰ আশা পুৰন নহ’ল ৷ আধাতে বাধা পালে ৷ উদ্যোগটো বোলে বন্ধ হোৱাৰ দৰে ৷ গতিকে কৰ্মস্থলী গৈ পোৱাৰ আগতে ওভতনি যাত্ৰা গৃহভূমিলৈ ৷ কিন্তু নিজ গৃহত উপস্থিত হৈ বীৰেন বনিয়াই গ'ম পালে পৈতিক সম্পত্তি উচন ৷ আশ্ৰয় ল'বলৈ নিজৰ বুলিবলৈ এতিয়া একো নাই ৷

পাঁচটা মোনালৈ নিজৰ ঘৰখনলৈ ঘূৰা বীৰেন - ৰূপালীৰ আকৌ যাত্ৰা আৰম্ভ হ’ল অঘৰী জীৱনৰ ৷ বীৰেনে ক’লে জিতু চাৰৰ সমষ্টিত ঘৰ আছিল ৷ এতিয়া ৰূপক চাৰৰ সমষ্টিত থাকো ৷ পুৱা নেহৰুবালিত কেতিয়াবা খোজকাঢ়িবলৈ আহে ৷ ওচৰলৈ যাব নোৱাৰো ৷ মনৰ দুখবোৰ কাক ক’ম ৷ কাম এটাত গত লগাব পাৰিলে ভিক্ষাৰীৰ জীৱন কটাব নালাগিব ৷ সহায়নো কাৰ পৰা পাম ৷ কৰিবনো কিয় ? নাথাকিব পাৰে ঘৰ তথাপিও বেচ সুখত জীৱন কটাই আছে দুয়ো। কষ্ট হ'লেও কিবা ভাল হ'ব বুলি আশা দুয়োৰে।

Also Read: মাজুলীত শিক্ষা মন্ত্ৰীসহ চেবাৰ অধ্যক্ষ-পৰীক্ষা নিয়ন্ত্ৰকৰ প্ৰতিকৃতি দাহ...