ডিজিটেল সংবাদ,কামপুৰঃ কঠীয়াতলী নৱৰত্ন মধ্য ইংৰাজী বিদ্যালয়ত অভাৱনীয় পৰিস্থিতি। অদ্ভুত আচৰণ কৰি অসুস্থ হৈ পৰে ৬ গৰাকী ছাত্ৰী। ফলত বিদ্যালয় কৰ্তৃপক্ষই আধাতে বিদ্যালয়ৰ পাঠদান সামৰিব লগীয়া হয়।
অদ্ভুত আচকণ কৰি ছাত্ৰী কেইগৰাকীয়ে মানুহক কামুৰিব যোৱাৰ লগতে বিভিন্ন ধৰণে আশুৰিক আচৰণ কৰে। ফলস্বৰূপে শংকিত হৈ পৰে ছাত্ৰ-ছাত্ৰী আৰু শিক্ষক সকল।
অসুস্থ হৈ পৰা ছাত্ৰী কেইগৰাকী সপ্তম, অষ্টম মানৰ বুলি জানিব পৰা গৈছে।এই ঘটনাই সমগ্ৰ অঞ্চলটোত ইতিমধ্যে চাঞ্চল্য সৃষ্টি কৰিছে। বিদ্যালয় কৰ্তৃপক্ষই খবৰ দিয়াত ঘটনাস্থলীত আৰক্ষী উপস্থিত হয়।
