ডিজিটেল সংবাদ উৰিয়াগাঁওঃ নগাঁও জিলাৰ উৰিয়াগাঁওস্থিত অগ্ৰণী অনুষ্ঠান সুন্দৰম নাট্য গোষ্ঠীয়ে অসম লোকসেৱা আয়োগৰ সংযুক্ত পৰীক্ষাৰ ফলাফলত(২০২২-২৩ বৰ্ষ) সুখ্যাতি অৰ্জন কৰা উৰিয়াগাঁৱৰ আগষ্টি কাশ্যপক(এ.পি.এছ) আজি সম্বৰ্ধনা জ্ঞাপন কৰে।
এই উদ্দেশ্যে আজি বিয়লি অনুষ্টুপিয়াকৈ এখন সম্বৰ্ধনা সভা অনুষ্ঠিত হয়। সুন্দৰম নাট্য গোষ্ঠীৰ প্ৰেক্ষাগৃহত অনুষ্ঠিত হোৱা সভাত গোষ্ঠীৰ তৰফৰ পৰা মেধাৱী যুৱক আগষ্টি কাশ্যপক ফুলাম গামোছা,চেলেং,জাপি আৰু প্ৰশস্তি পত্ৰৰে সম্বৰ্ধনা জনোৱা হয়।
সুন্দৰম নাট্য গোষ্ঠীৰ সভাপতি দেৱানন্দ গোস্বামীয়ে আঁত ধৰা অনুষ্ঠানত সত্যপ্ৰসাদ শৰ্মা,গোলাপ বৰা,পীতাম্বৰ শইকীয়া,কমলেশ শইকীয়া,দিলীপ কুমাৰ বৰা,পদুম বৰুৱা,প্ৰাঞ্জল হাজৰিকা,ডিম্বেশ্বৰ বৰা আদি উপস্থিত আছিল।
