ডিজিটেল সংবাদ, বেবেজীয়াঃ নগাওঁ জিলাৰ জুৰীয়া উন্নয়ন খণ্ডৰ অন্তৰ্গত মাহগুৰি গাওঁ পঞ্চায়তৰ জন প্ৰতিনিধিৰ বিৰুদ্ধে দুৰ্নীতিৰ অভিযোগ । মাহগুৰি গাওঁ পঞ্চায়তৰ অন্তৰ্গত ৭ নম্বৰ ৱাডৰ ট্ৰাইবেল বস্তিৰ ৰাইজৰ উত্থাপন কৰিছে এই অভিযোগ ।
শতবৰ্ষ গৰকা গাঁওখনত এতিয়াও নাই যাতায়তৰ সু-ব্যৱস্থা । ব’হাগত কুলি কেতিকীৰ মাতৰ দৰে মাত লগাই জনপ্ৰতিনিয়ে । মাহগুৰি গাওঁ পঞ্চায়তৰ অন্তৰ্গত ৭ নম্বৰ ৱাৰ্ডৰ ট্ৰাইবেল বস্তিৰ লোকসকলে সংবাদ মাধ্যমৰ জৰিয়তে মুখ্যমন্ত্ৰীলৈ ৰাস্তাৰ নিৰ্মাণৰ ক্ষেত্ৰত পদক্ষেপ গ্ৰহণ কৰিবলৈ আহ্বান জনাইছে ।
পঞ্চায়তৰ আঁচনিৰ ধনেৰে নিৰ্মাণ হ'বলগীয়া পথটোত কেইগাড়ী মান মাটি পেলাই বৃহৎ অংকৰ ধন আত্মসাৎ কৰাৰ অভিযোগ উত্থাপন কৰিছে ৰাইজে । আনহাতে পঞ্চায়তৰ আঁচনিৰ জৰিয়তে কাম কৰা শ্ৰমিকে তিনিবছৰ পাৰ হোৱাৰ পিছতো মজুৰীৰ ধন লাভ নকৰাৰ গুৰুতৰ অভিযোগ উত্থাপন কৰিছে ।
উল্লেখ্য যে স্থানীয় বিদ্যালয় এগৰাকী শিক্ষয়িত্ৰীয়ে এই ৰাস্তাত বহুবাৰ পৰাৰ লগতে তেওঁ বৰ্তমান চাইনিজ বেমাৰত আক্ৰান্ত হ'বলগীয়া হৈছে বুলি মন্তব্য কৰে ।
তাৰ ওপৰিও বিদ্যালয়খনৰ কণ কণ শিশুসকলেও ৰাস্তাটো বনাই দিবলৈ মুখ্যমন্ত্ৰী ড° হিমন্ত বিশ্ব শৰ্মাক আহ্বান জনাইছে । এইক্ষেত্ৰত বিভাগীয়লোকে কি ব্যৱস্থা গ্ৰহণ কৰে সেয়া পৰৱৰ্তী সময়ত লক্ষণীয় হ'ব।
