ত্ৰিৰংগা লৈ সমদল নগাঁও জিলা প্ৰশাসনৰ…

ডিজিটেল সংবাদ,নগাঁও : নগাঁও জিলা প্ৰশাসনৰ উদ্যোগত শনিবাৰে পুৱা এক সমদল উলিওৱা হয় ৷ স্বাধীনতাৰ ৭৫ বছৰৰ অমৃত মহোৎসৱ উপলক্ষে এই সমদলটি উলিওৱা হয় ৷ নেহৰুবালিৰ পৰা পুৱা ৯ বজাত ওলোৱা সমদলটিত চৰকাৰী বিভিন্ন বিভাগৰ বিষয়া কৰ্মচাৰী সকলে অংশ গ্ৰহণ কৰে ৷

ইয়াৰ বাহিৰেও বিভিন্ন বিদ্যালয়ৰ ছাত্ৰ-ছাত্ৰীয়ে অংশ গ্ৰহণ কৰাৰ লগতে ৩৪ নং চি আৰ পি এফ বাহিনী , ৮ম এন চি চি বাহিনীয়েও অংশ গ্ৰহণ কৰে ৷ সকলোৱে হাতত ত্ৰিৰংগা পতাকা লৈ বন্দে মাতৰম, ভাৰত মাতা কী জয় ধ্বনি দি সমদলত আগবাঢ়ে ৷

সমদলটি আনুষ্ঠানিকভাৱে মুকলি কৰে শিল্পী যতীন বৰা আৰু কৃষ্ণ মণি নাথে ৷ সমদলত নগাঁও জিলা উপায়ুক্ত নৰেন্দ্ৰ প্ৰসাদ সাহেও ভাগ লয় ৷

আৰু পঢ়ক : এছ.পি, এ.এছ.পি আৰু অ'চিৰ পাছত নিলম্বন দৰঙৰ তদন্তৰাকী বিষয়া আনোৱাৰ হুছেইন…