অৱশেষত মৃত্যু ঘন্টা বাজিল দুখনকৈ হোমিঅ’পেথিক চিকিৎসা মহাবিদ্যালয় আৰু হাস্পতালৰ...

খোদ স্বাস্থ্যমন্ত্ৰী কেশৱ মহন্তৰ নিজা জিলা নগাঁৱৰ অসম হোমিঅ’পেথিক চিকিৎসা মহাবিদ্যালয়খনৰো মৃত্যু ঘন্টা বাজিল
nagaon homoeo
nagaon homoeo

ডিজিটেল সংবাদ, নগাঁও: অৱশেষত মৃত্যু ঘন্টা বাজিল দুখনকৈ হোমিঅ’পেথিক চিকিৎসা মহাবিদ্যালয় আৰু হাস্পতালৰ ৷ খোদ স্বাস্থ্যমন্ত্ৰী কেশৱ মহন্তৰ নিজা জিলা নগাঁৱৰ অসম হোমিঅ’পেথিক চিকিৎসা মহাবিদ্যালয়খনৰো মৃত্যু ঘন্টা বাজিল ৷

জানিব পৰা মতে ৰাজ্যৰ আয়ুষ বিভাগৰ সঞ্চালক এম এছ লক্ষ্মী প্ৰিয়াৰ এক নিৰ্দেশৰ পৰিপ্ৰেক্ষিতত নগাঁৱৰ অসম হোমিঅ’পেথিক চিকিৎসা মহাবিদ্যালয়খনি বন্ধ হৈ পৰাটো নিশ্চিত হৈ পৰিছে ৷ ২০২২-২০২৩ বৰ্ষত চিকিৎসা মহাবিদ্যালয় খনত নতুনকৈ নামভৰ্তি নহয় ৷ এই সৰ্ন্দভত চৰকাৰীভাৱে নিৰ্দেশনা জাৰি কৰা হৈছে ৷

নগাঁৱৰ লগতে যোৰহাটত থকা ডা° জে কে শইকীয়া হোমিঅ’পেথিক চিকিৎসা মহাবিদ্যালয় আৰু হাস্পতালত ২০২২-২৩ বৰ্ষৰ বাবে নামভৰ্তি বন্ধ কৰা হৈছে ৷ নগাঁও আৰু যোৰহাটত থকা দুয়োখনকৈ হোমিঅ’পেথিক মহাবিদ্যালয়ত নামভৰ্তি বাৰন কৰি ভৱিষ্যতৰ দিনৰ বাবে দুয়োখন চিকিৎসামহাবিদ্যালয় বন্ধ কৰাৰ ব্যৱস্থা কৰা হৈছে ৷

নগাঁও আৰু যোৰহাটৰ হোমিঅ’পেথিক মহাবিদ্যালয় দুখনৰ ২০২২-২৩ বৰ্ষৰ নামভৰ্তি বাৰন কৰি গুৱাহাটী পাঞ্জাবাৰীত থকা চিকিৎসা মহাবিদ্যালয় আৰু হাস্পতালৰ লগত একত্ৰিকৰণ কৰা হৈছে ৷

যোৱা ১৯ অক্টোৱৰত স্বাস্থ্যমন্ত্ৰী কেশৱ মহন্তৰ অধ্যক্ষতাত অনুস্থিত এক সভাত ৰাজ্যৰ তিনিওখন হোমিঅ’পেথিক চিকিৎসা মহাবিদ্যালয় আৰু হাস্পতাল একত্ৰিতকৰণৰ সিদ্ধান্ত গ্ৰহণ কৰা হৈছিল ৷ সেই সিদ্ধান্ত অনুসৰিয়ে ২০২২-২০২৩ বৰ্ষৰ নতুন নামভৰ্তিকৰণ বন্ধ কৰা হৈছে নগাঁও আৰু যোৰহাটত ৷

Related Stories

No stories found.
Asomiya Pratidin
www.asomiyapratidin.in