তৃতীয়, চতুৰ্থ বৰ্গৰ চাকৰিৰ নিযুক্তিত অনিয়মৰ অভিযোগ তোলা ভিক্টৰ দাসক গোপন স্থানত ৰহস্যজনক জেৰা

ৰাজ্যত পুনৰ নিযুক্তি কেলেংকাৰীৰ বিতৰ্ক।

এইবাৰ নিযুক্তি প্ৰক্ৰিয়াত অনিয়মৰ অভিযোগ তোলা ভিক্টৰ দাসক জেৰা।

শুকুৰবাৰে আগবেলা পাণবজাৰ থানালৈ তলব কৰিছিল ভিক্টৰক।

পাণবজাৰ থানাত এই সংক্ৰান্তত সোধপোছ কৰাৰ সলনি গোপন স্থানলৈ লৈ যোৱা হৈছে ভিক্টৰ দাসক।

গোপন স্থানত ভিক্টৰ দাসক আৰক্ষীৰ উচ্চ পদস্ত বিষয়াই চলাব জেৰা।

উল্লেখযোগ্যে যে, তৃতীয় আৰু চতুৰ্থ বৰ্গৰ নিযুক্তি প্ৰক্ৰিয়াত ধনৰ লেনদেনৰ অভিযোগ তুলিছিল দাসে।

মুখ্যমন্ত্ৰী হিমন্ত বিশ্ব শৰ্মা, আৰক্ষী সঞ্চালক প্ৰধান ভাস্কৰজ্যোতি মহন্তক উদ্দেশ্যি টুইটাৰত কৰিছিল টুইট।

পিছ দুৱাৰেদি নিযুক্তি কেলেংকাৰীৰ অভিযোগ তুলিছিল তেওঁ।

৩ ৰ পৰা ৮ লাখ টকা চাকৰিৰ নামত সংগ্ৰহ কৰাৰ কথা উল্লেখ কৰিছিল টুইটত।

কেইবাজনো প্ৰাক্তন বিধায়ক এই কেলংকাৰীত জড়িত থকাৰ অভিযোগ কৰিছিল তেওঁ।