ডিজিটেল সংবাদ,মৰিগাঁওঃ মৰিগাঁৱৰ ন ভেটিৰ এখন বিয়া ঘৰত চোৰে লুটিলে ৮ টাকৈ মোবাইল ফোন আৰু আলহীৰ বেগৰ পৰা টকা-পইচা। সোমবাৰে নিশা নভেটি এখন বিয়া ঘৰত মানুহ শুই থকাৰ সুযোগ লৈ চোৰে লুটিলে আলহীৰ লগতে গৃহস্থৰ মোবাইল ফোন আৰু আলহীৰ বেগৰ টকা পইচাৰ লগতে বিভিন্ন সামগ্ৰী।
পৰৱৰ্তী সময়ত গৃহস্থই ঘৰত চোৰ সোমোৱা সম্ভেদ পাই বাহিৰত বিচাৰ-খোচাৰ কৰে। ইয়াৰোপৰি ভুক্তভোগীৰ বাইক খনো পথৰৰ দাঁতিত এৰি থৈ যায় চোৰে। ইতিমধ্যে পৰিয়ালটোৱে চুৰি কাণ্ড সন্দৰ্ভত আৰক্ষীক অবগত কৰিছে।
