চুকাফানগৰ নামঘৰত মণিকূট আৰু আসন প্ৰতিষ্ঠা...

ডিজিটেল সংবাদ,চৰাইদেউঃ চৰাইদেউ জিলাৰ ঐতিহাসিক শ’ধোৱা পুখুৰী পৰাত অৱস্থিত চুকাফা নগৰ আঠকোণীয়া নামঘৰৰ আজি মাংগলিক কাৰ্যসূচীৰে মণিকূট আৰু গুৰু আসন প্ৰতিষ্ঠা কৰা হয়৷ অনুষ্ঠানৰ কাৰ্যসূচী অনুসৰি পুৱা প্ৰাত প্ৰসংগৰ পিছতে ধৰ্মধ্বজা উত্তোলন কৰে বিশিষ্ট ধৰ্মপ্ৰাণ ব্যক্তি হিৰেশ্বৰ তামুলীয়ে ৷ ইয়াৰ পিছতে অঞ্চলটোৰ ধৰ্ম প্ৰাণ ভকত বৈষ্ণৱ, আই - মাতৃ সকলে গায়ন বায়ন  আৰু মাংগলিক ধ্বনিৰে গুৰু আসনলৈ শোভাযাত্ৰা কৰি নামঘৰলৈ আদৰি আনে ।

নৱ নিৰ্মিত নামঘৰটোত এক আধ্যাত্মিক পৰিবেশত ৰাইজৰ সহযোগত মণিকূট উদ্বোধন কৰাৰ লগতে গুৰু আসন ভাগ প্ৰতিষ্ঠা কৰে শ্ৰীপুৰ গজলা সত্ৰৰ সত্ৰাধিকাৰ ৰবীন মহন্তয়ে ৷দাতিকাষৰীয়া কেইবাখনো গাঁৱৰ গ ভকত বৈষ্ণবৰ উপস্থিতি শৰাই প্ৰতিষ্ঠা কৰি নাম প্ৰসঙ্গ আৰু ভাগৱত পাঠ ও সম্পন্ন কৰে ৷