মঙলদৈত অঘটনঃ প্ৰাতঃভ্ৰমণ কৰিবলৈ অহা দুই মহিলাক মহতিয়াই নিলে বাহনে...

ডিজিটেল সংবাদ, মঙলদৈঃ দৰঙৰ পিপৰা দোকানৰ সমীপৰ শাকতোলাত শুক্ৰবাৰে ৰাতিপুৱা ১৫ নং ৰাষ্ট্ৰীয় ঘাইপথত এক দুৰ্ঘটনা সংঘটিত হয়৷ এই দুৰ্ঘটনাত প্ৰাত: ভ্ৰমণলৈ ওলাই অহা দুগৰাকী মহিলাক অচিনাক্ত বাহনে মহতিয়াই নিয়ে।

এই ভয়ংকৰ দুৰ্ঘটনাত এগৰাকী মহিলা থিতাতে নিহত হোৱাৰ লগতে আন এগৰাকী সংকটজনক অৱস্থাত মঙলদৈ অসমৰিক চিকিৎসালয়ত মৃত্যু হয় ৷

দুৰ্ঘটনাটোত থিতাতে নিহত হোৱা মহিলাগৰাকীৰ নাম ৰিনা বৰুৱা আৰু চিকিৎসালয়ত মৃত্যু হয় জাহ্নু বৰুৱা। নিহত মহিলা দুগৰাকী পটালচিং পাৰাৰ বুলি জানিব পৰা গৈছে।

Also Read: ২০আগষ্টত চতিয়া দিৱসঃ বিধানসভাৰ সিদ্ধান্তৰ পাছতে চতিয়াত আনন্দৰ জোৱাঁৰ...