শ্ৰী শ্ৰী নৱগ্ৰহ শ্মশান নিৰামূহীয়া শিৱ মন্দিৰৰ উদ্যোগত ৰুদ্ৰযজ্ঞ আৰু মহাশিৱৰাত্ৰিৰ শুভাৰম্ভ

ডিজিটেল ডেস্ক: মহানগৰীৰ শিলপুখুৰী শ্ৰী শ্ৰী নৱগ্ৰহ শ্মশান নিৰামূহীয়া শিৱ মন্দিৰৰ উদ্যোগত ১৫ ফেব্ৰুৱাৰীৰ পৰা আৰম্ভ হৈছে ৰুদ্ৰযজ্ঞ আৰু মহাশিৱৰাত্ৰি। ৪ দিনীয়াকৈ চলিবলগীয়া এই ৰুদ্ৰযজ্ঞ আৰু মহাশিৱৰাত্ৰি অনুষ্ঠান ১৫ ফেব্ৰুৱাৰী বিয়লি ৫ বজাত শুভাৰম্ভ কৰা হয়।

ৰুদ্ৰযজ্ঞ শুভাৰম্ভ কৰে গোৱৰ্দ্ধন পীঠৰ শংকৰাচাৰ্য স্বামী শ্ৰী শ্ৰী অধোক্ষজানন্দ তীৰ্থ প্ৰভুয়ে। উক্ত অনুষ্ঠানত উপস্থিত থাকে সাদিন প্ৰতিদিন গোষ্ঠীৰ স্বত্বাধিকাৰী তথা অসমীয়া প্ৰতিদিনৰ সম্পাদক জয়ন্ত বৰুৱা।

প্ৰথম দিনা বিয়লি ৬ বজাৰ পৰা তেজপুৰ নিকামূল সত্ৰৰ আৰু কৃষ্ণ-সূৰ্য আঞ্চলিক নামঘৰৰ উদ্যোগত ভাওনা পৰিৱেশন কৰা হয়। ১৬ ফেব্ৰুৱাৰী বিয়লি ৬ বাজি ১০ মিনিটত কাশীৰ মহাআৰতি, বিয়লি ৭.৩০ বজাত গৌতন দ্ৰাবিৰৰ ভক্তিমূলক সংগীতানুষ্ঠান অনুষ্ঠিত হ'ব।

১৭ ফেব্ৰুৱাৰী ৪ বজাত শিশু চেমনীয়া প্ৰাৰ্থনা প্ৰতিযোগীত, ৭.৩০ বজাত স্থানীয় শিল্পী সকলৰ দ্বাৰা ভক্তিমূলক অনুষ্ঠান আয়োজন কৰা হৈছে। ১৮ ফেব্ৰুৱাৰী দিনৰ ১১ বজাত শিশু চেমনীয়াৰ চিত্ৰাংকন প্ৰতিযোগীতা, ১,৩০ বজাক পূৰ্ণ আহুতি, সন্ধিয়া ৫ বজাত গীতাঞ্জলি কলিতাৰ নাগাৰা নাম পৰিৱেশন আৰু সন্ধিয়া ৮ বজাত কল্লোল বৰঠাকুৰৰ ভক্তিমূলক সংগীতানুষ্ঠান অনুষ্ঠিত হ'ব।

আৰু পঢ়ক: APSC কেলেংকাৰী! আৰু শ'ল, বৰালী পৰিব জালত, অচিৰেই নেপালৰ পৰা অনা হ'ব ৰাকেশ পালৰ ভাতৃক