বিশেষভাৱে সক্ষম কিশোৰীক ধৰ্ষণ, গ্ৰেপ্তাৰ এজন...

ডিজিটেল সংবাদ, লামডিং: অৱশেষত লামডিং আৰক্ষীৰ জালত কিশোৰী ধৰ্ষণৰ অভিযুক্ত। ঘটনাৰ কেইবাদিন পাছত গ্ৰেপ্তাৰ কৰিলে অভিযুক্তক।

ঘটনাৰ বিৱৰণী অনুসৰি লামডিঙত ৯ চেপ্টেম্বৰত সংঘটিত হৈছিল এক জঘন্য ঘটনা। এজন পাষাণৰ কামনাৰ বলি হৈছিল এটি ১৫ বছৰীয়া বিশেষভাৱে সক্ষম কিশোৰী ৷

লামডিং হাতীখুলী দীপক গৌৰ নামৰ যুৱকজনে চুবুৰীৰে এজন কিশোৰী গৰাকীৰ লগত খেলাৰ চলেৰে যৌন নিৰ্যাতন কৰি পলায়ন কৰিছিল।

পৰৰ্ৱতী সময়ত কিশোৰী গৰাকীৰ পিতৃয়ে লামডিং থানাত গোচৰু ৰুজু কৰিছিল ৷

গোচৰৰ ভিত্তিত লামডিং আৰক্ষী ভাৰপ্ৰাপ্ত বিষয়া চন্দন জ্যোতি বৰাৰ নেতৃত্বত আৰক্ষীয়ে মঙলবাৰে নিশা মুৰাবস্তিৰ পৰা আটক কৰে অভিযুক্ত দীপক গৌৰক ৷

অভিযোগ অনুসৰি দীপকে কৰা জঘন্য ঘটনাক গাপ দিবলৈ চেষ্টা চলাইছিল দীপকৰ পৰিয়াল বৰ্গই। লামডিঙত সঘনাই সংঘটিত হোৱা এনে ধৰণৰ অসামাজিক ঘটনাই চিন্তিত কৰি তুলিছে সচেতন মহলক।