দুলুংমুখ ৰেঞ্জত ২০ মে’ৰ পৰা ৩১ আগষ্টলৈ বোমা বিস্ফোৰণ, ৰকেট আৰু গুলীচালনাৰ অনুশীলন…

ডিজিটেল সংবাদ লখিমপুৰঃ লখিমপুৰ জিলাৰ দুলুং সংৰক্ষিত বনাঞ্চলৰ দুলুং মুখ ৰেঞ্জত ২০মে'ৰ  পৰা ৩১আগষ্টলৈ বোমা বিস্ফোৰণ, ৰকেট আৰু গুলীচালনাৰ বাবে উল্লেখিত স্থান সক্ৰিয়কৰণ কৰা হৈছে৷ এই সময়ছোৱাত ভাৰতীয় সেনাবাহিনীয়ে বোমা বিস্ফোৰণ, ৰকেট আৰু গুলীচলনা অনুশীলন কৰিব৷ 

লখিমপুৰ জিলা প্ৰশাসন আৰু বন বিভাগে এক নিৰ্দেশনা যোগে উক্ত সময়ছোৱাত দুলুং মুখৰেঞ্জ এলেকাত সাধাৰণ জনতাৰ প্ৰৱেশ নিষিদ্ধ ঘোষণা কৰিছে৷ প্ৰশাসনে উক্ত নিদেৰ্শনাৰ জৰিয়তে কোনোধৰণৰ অশুভ পৰিঘটনাৰ পৰা হাত সাৰিবলৈ আৰু জীৱন আৰু সম্পত্তিৰ আঘাত বা ক্ষতি ৰোধ কৰিবলৈ এই ঘোষণাৰে স্থানীয় জনসাধাৰণক সজাগ কৰিছে৷ 

উল্লেখ্য যে ভাৰতীয় বায়ু সেনাৰ অনুশীলন ঘাটি দুলুং মুখ দুলুঙত সুখয়ৰ অনুশীলন হয়৷ তেজপুৰ সামৰিক ঘাটিৰ পৰা বিমান আহি অনুশীলন কৰি গুছি যায়৷ এইবাৰ প্ৰথমবাৰৰ বাবে ইয়াত ৰকেট আৰু আকাশ মাৰ্গেৰে গুলীচালনাৰ অনুশীলন হ’ব৷ চীনৰ পাকিস্তান প্ৰীতিৰ পাছত তৎপৰতা দেশৰ গৃহ মন্ত্ৰালয়ৰ।