ঔ-টেঙাৰ পৰা চেৰাম উদ্ভাৱন : ৰাষ্ট্ৰীয় শিশু বিজ্ঞান সমাৰোহলৈ নিৰ্বাচিত লখিমপুৰৰ দুই শিশু বিজ্ঞানী

ঔ-টেঙাৰ পৰা চেৰাম উদ্ভাৱন : ৰাষ্ট্ৰীয় শিশু বিজ্ঞান সমাৰোহলৈ নিৰ্বাচিত লখিমপুৰৰ দুই শিশু বিজ্ঞানী

author-image
Asomiya Pratidin
New Update
ঔ-টেঙাৰ পৰা চেৰাম উদ্ভাৱন : ৰাষ্ট্ৰীয় শিশু বিজ্ঞান সমাৰোহলৈ নিৰ্বাচিত লখিমপুৰৰ দুই শিশু বিজ্ঞানী

ডিজিটেল সংবাদ,লখিমপুৰ : কুমলীয়া বয়সতে উদ্ভাৱনী শক্তিৰে উজ্বলি উঠিছে লখিমপুৰৰ দুই কণমানি ৷ ৰাজ্যত সুলভ ঔ-টেঙাৰ পৰা মুখত ঘঁহা চেৰাম প্ৰস্তুত কৰি কণমানি দুজনীয়ে খলকনিৰ সৃষ্টি কৰিছে ৷ সাধাৰণতে মুখত ঘঁহা হাৰ্বেল ফেচৱাচ বা চেৰামৰ সন্ধান কৰে প্ৰসাধন সামগ্ৰী প্ৰস্তুতকাৰী কোম্পানীসমূহে ৷

Advertisment

বাইটিক হাৰ্বেল প্ৰসাধন সামগ্ৰীৰ চাহিদা বিশ্বজুৰি বৃদ্ধি পোৱাৰ সময়তে লখিমপুৰৰ ছেইন্ট মেৰিজ চিনিয়ৰ চেকেণ্ডাৰী স্কুলৰ সপ্তম মানৰ ছাত্ৰী আস্থা শইকীয়া আৰু ময়ুৰিকা কাশ্যপে নিজৰ উদ্ভাৱন শক্তিৰ বলত প্ৰস্তুত কৰি উলিয়াইছে ঔ-টৈঙাৰ চেৰাম ৷

"হাৰ্বেল ফেচ চেৰাম ফৰ্ম ইলিফেণ্ট এপ’ল (দিলনিয়া ইণ্ডিকা )” নামেৰে এই প্ৰসাধন প্ৰস্তুত কৰিছে ছাত্ৰী দুগৰাকীয়ে ৷ অলপতে হাফলঙত অনুষ্ঠিত হোৱা ৰাজ্যিক শিশু বিজ্ঞান সমাৰোহত অংশগ্ৰহণ কৰি ৰাষ্ট্ৰীয় পৰ্যায়ৰ শিশু বিজ্ঞান সমাৰোহলৈ নিৰ্বাচিত হৈছে তেঁওলোকৰ প্ৰকল্পটো ৷

উল্লেখ্য যে হাফলঙৰ ৰাজ্যিক বিজ্ঞান সমাৰোহত ৰাজ্যৰ ২১০ টা শিশু বিজ্ঞানীৰ দলে অংশগ্ৰহণ কৰিছিল ৷ ময়ুৰীকা শইকীয়া লখিমপুৰৰ বিশিষ্ট শৈল্য চিকিৎসক ডা° ৰমানন্দ শইকীয়াৰ কন্যা আৰু আস্থা শইকীয়া গণিতজ্ঞ ড° নৃপেন শইকীয়াৰ কন্যা ৷ দুয়োগৰাকী শিশু বিজ্ঞানীৰ এই সাফল্যত গৌৰাৱন্বিত হৈছে লখিমপুৰবাসী ৷

Also Read: মৰিগাঁৱৰ ৪১ টা স্বাস্থ্য প্ৰতিষ্ঠানক সামৰি স্বাস্থ্য সেৱা উৎসৱ-২পালন

elephant apple National Children's Science Festival