পশ্চিম ঘিলামৰা এম ই স্কুলৰ সোণালী জয়ন্তী : সাংস্কৃতিক শোভাযাত্ৰা-মুকলি সভা

ডিজিটেল সংবাদ, ঘিলামৰাঃ ২৮ মাৰ্চৰ পৰা তিনিদিনীয়া কাৰ্যসূচীৰে অনুষ্ঠিত হোৱা পশ্চিম ঘিলামৰা এম ই স্কুলৰ সোণালী জয়ন্তী উৎসৱৰ শনিবাৰে তৃতীয় দিনা উলিওৱা হয় সাংস্কৃতিক শোভাযাত্ৰা। এই শোভাযাত্ৰা উদ্বোধন কৰে ঘিলামৰা শাখা সাহিত্য সভাৰ সভাপতি দণ্ডীধৰ গোঁহায়ে।

দুপৰীয়া ১২-০০ বজাৰ পৰা উদযাপন সমিতিৰ সভাপতি গুণকান্ত বড়াৰ সভাপতিত্বত মুকলি সভা অনুষ্ঠিত হয়। সভাত নৰ্থ বেংক কলেজৰ অধ্যক্ষ ড° যুগল শইকীয়া, ঘিলামৰা আদৰ্শ উচ্চতৰ মাধ্যমিক বিদ্যালয়ৰ বিষয় শিক্ষক ড° কেশৱ হাজৰিকা , অৱসৰী প্ৰধান শিক্ষক ডিম্বেশ্বৰ চেতিয়া, এন চি ডি কলেজৰ অধ্যক্ষ ড° সুৰজিৎ দলে, কৃষি উন্নয়ন বিষয়া বৈশালী বৰুৱা উপস্থিত থাকি বক্তব্য প্ৰদান কৰে।

Also Read: কংগ্ৰেছৰ মায়া এৰি গেৰুৱা বসন পিন্ধিলে মানস বৰাই