- স্নেহল হাজৰিকা
মেলিনা লৈ,
কেনে আছা?
আমি আছো ইয়াত সুখে
জ্বালামুখীৰ পেটত
শান্তিৰে...
আকাশখন আমাৰ ওপৰত
জ্বলিয়েই আছে
জাৰত কিন্তু কম্বল নোলোৱাকৈ থাকিব নোৱাৰি !
নিশা শিয়ালীৰ বিননি শুনি এতিয়া টোপনি যাওঁগৈ...
কালি ৰাতি কেতেকী ফুলা চাবলৈ গৈছিলো
হৰেণক লৈ
আইলৈ বৰ মনত পৰিল চাই
গুচি আহিলো।।
তাতো ফুলেনে
কেতেকী একেই ?
কৰানে আজিও
হৃদয় আলাপ
পুৰণি দিনৰ
বিলৈ বিলাপ ?
মনত আছে মোৰ
তোমাৰ সুগন্ধ
শীতৰ ৰাতি
তোমাৰ কোলাত শুৱা
আৰু জোনাকী হৈ পৰা...
আৰু পঢ়ক : কবিতা ১৩৭/ বিদায় বন্ধু
