ডিজিটেল সংবাদ,কাজিৰঙা: নিৰ্বাচন আহে,নিৰ্বাচন যায় ৷ কিন্তু সলনি নহয় সাধাৰণ ৰাইজৰ সমস্যা ৷মন্ত্ৰী অতুল বৰাৰ সমষ্টিৰ উন্নয়ন দেখিলে আচৰিত হ'ব আপুনি। এই পৰ্যটন পথেৰেই কাজিৰঙালৈ অহা দেশী বিদেশী পৰ্যটকসকলে দৰ্শন কৰিবলৈ চৰকাৰীভাৱে স্বীকৃতিপ্ৰাপ্ত লুখুৰাসনীয়া আদৰ্শ গাওঁলৈ যায় ৷
উল্লেখ্য যে কাজিৰঙালৈ অহা পৰ্যটকসকলে জীপ ছাফাৰী হাতী ছাফাৰী কৰাৰ পাছত আশা কৰে দাঁতিকাষৰীয়া ৰাইজৰ জীৱন প্ৰণালী উপভোগ কৰিবলৈ ৷ কিন্তু পৰ্যটকটো বাদেই,গাওঁখনৰ ৰাইজেও যাতায়তৰ ক্ষেত্ৰত দুৰ্ভোগ ভূগিবলগীয়া হৈ আহিছে৷
বোকাখাত সমষ্টিৰ বিধায়ক তথা কৃষিমন্ত্ৰী অতুল বৰাই নিৰ্বাচনৰ পূৰ্বে প্ৰতিশ্ৰুতি দিছিল যে নিৰ্বাচনৰ পাছতে পথছোৱা হ'ব,কিন্তু আজিকোপতি শিল এটাও নপৰিল পথছোৱাত ৷ কেৱল আদৰ্শ গাঁও বুলি নহয়,উদ্যানৰ দাতিকাষৰীয়া প্ৰায় পাচঁখন গাঁওৰ যাতায়তৰ মূল পথ এইছোৱা ৷
বানৰ সময়ত যথেষ্ট অসুবিধা হোৱাৰ লগতে ছাত্ৰ ছাত্ৰী,ৰোগীৰ ক্ষেত্ৰতো জীয়াতু ভূগিব লগীয়া হৈছে পাচখন গাওঁৰ ৰাইজে ৷চৰকাৰক বহুবাৰ আৱেদন নিৱেদন কৰিও বিফল হৈছে গাওঁখনৰ ৰাইজ ৷আগন্তুক নিৰ্বাচনত ভোট বৰ্জনৰ হুংকাৰ ৰাইজৰ ৷
