ডিজিটেল সংবাদ,হাওৰাঘাট : কাৰ্বি আংলং জিলাৰ বকলীয়াঘাটৰ চূণপোৰাত বিষাক্ত কাঠফুলা খাই গুৰুতৰভাৱে ৬ জন অসুস্থ হোৱাৰ খবৰে অঞ্চলটত তীব্ৰ চাঞ্চল্যৰ সৃষ্টি কৰিছে । এই বিষক্ৰিয়াত আক্ৰান্ত হোৱা সকলৰ ভিতৰত হৈছে ক্ৰমে বগিৰাম হাজৰিকা, দিপাঙ্কৰ হাজৰিকা, দিব্যজ্যোতি হাজৰিকা, চুমি দাস, দীপালী টেৰণপি, আৰু চম্পা হাজৰিকা।
জানিব পৰামতে আক্ৰান্তসকলক ডবকাৰ লাইফ কেয়াৰ নাৰ্চিঙত ভৰ্তি কৰা হৈছে। ইয়াৰে দীপালী টেৰণপিৰ অৱস্থা সংকটজনক ৷ উল্লেখ্য যে দুপৰীয়া আহাৰৰ সৈতে বিষাক্ত কাঠফুলা খোৱাৰ বাবেই এই অঘটন হোৱা বুলি জানিব পৰা গৈছে ।
