চাহ জনগোষ্ঠীয় নেতা কমল হ'ৰৰ অকাল বিয়োগ...

ডিজিটেল সংবাদ, ছয়দুৱাৰ: গহপুৰ সমজিলাৰ হেলেম মৌজাৰ অন্তৰ্গত চন্দামাৰী নিবাসী,বিশিষ্ট সমাজকৰ্মী তথা ৰাজনৈতিক নেতা কমল হ'ৰ(৫৫) আৰু নাই।উচ্চ ৰক্তচাপ জনিত ৰোগত আক্ৰান্ত হৈ শেষ নিশ্বাস ত্যাগ কৰে তেওঁ।

যোৱা ১৮ জুলাইৰ নিশা তেজপুৰ চিকিৎসা মহাবিদ্যালয়ত চিকিৎসাৰ বাবে ভৰ্তি কৰোৱা কমল হ'ৰৰ যোৱা নিশা চিকিৎসাধীন অৱস্থাত মৃত্যু হয়। ভাৰতীয় জনতা পাৰ্টিৰ এগৰাকী নিষ্ঠাৱান কৰ্মী হিচাপে পৰিচিত কমল হ'ৰ  মিছামাৰী গাঁও পঞ্চায়ত চাৰি নং বুথৰ বুথ সভাপতিৰ দায়িত্বত আছিল।

গহপুৰ মহকুমা টি ৱেলফেয়াৰ বোৰ্ডৰ অধ্যক্ষ হিচাপেও কাৰ্য্যনিৰ্বাহ কৰিছিল কমল হ'ৰই।জীৱনৰ সুদীৰ্ঘ কাল আদিবাসী আৰু চাহ জনগোষ্ঠীয় লোকৰ প্ৰাপ্য অধিকাৰৰ হকে মাত মাতি আহিছিল কমল হ'ৰই।

তেওঁৰ অকাল বিয়োগত সমগ্ৰ গহপুৰত গভীৰ শোকৰ ছাঁ পৰিছে।মৃত্যুৰ সময়ত তেওঁ পত্নীৰ লগতে এগৰাকী পুত্ৰ আৰু এগৰাকী কন্যা সন্তানক ইহ-সংসাৰত এৰি থৈ গৈছে।