কবিতা/৩ দৃষ্টিত সংশয়

মুুকুল গোস্বামী

এই মানুহ বোৰৰ দৃষ্টিত এতিয়া সংশয় !
সেউজীয়া ৰঙবোৰ হেৰাই যোৱাৰ সংশয়!
অত দিনে নগৰে মহানগৰে
পদপথে কৈ অহা কথাবোৰ,,
বিনন্দীয়া বননি শেষ কৰাৰ
আনন্দৰ স্মৃতি বোৰ এতিয়া
সংশয়ৰ ৰঙা গোলাকাৰ
ভয়াবহতা !

মনলৈ আহিছে ভাৱ
সেউজ আৰু নাথাকিব ৰৈ !
কোনোবা চাৰ্লিয়ে যেন
ক'বলৈ সাজু হৈ আছে
পৃথিৱী এতিয়া ৰঙা !
সেয়েতো সংশয় !
কিন্তু বিবেকে কৈছে সময়

শেষ হোৱা নাই ! অন্ততঃ
আৰু কিছুদিন আছে বাকী !
সেয়ে পানী সাচিব লাগিব
সেউজ ৰং সাচিব লাগিব।