Advertisment

অসম কৃষি বিশ্ববিদ্যালয়ত বাৰ্ষিক উদ্যান শস্য প্রদর্শনী আৰু প্ৰতিযোগিতাৰ সম্পন্ন

অসম কৃষি বিশ্ববিদ্যালয়ৰ ৩৫ সংখ্যক বাৰ্ষিক উদ্যান শস্য প্রদর্শনী আৰু প্ৰতিযোগিতাখন বিশ্ববিদ্যালয়ৰ যোৰহাটস্থ মূল চৌহদৰ উদ্যানশস্য কৃষি পামত আজি অনুষ্ঠিত হয়।

author-image
Asomiya Pratidin
New Update
অসম কৃষি বিশ্ববিদ্যালয়ত বাৰ্ষিক উদ্যান শস্য প্রদর্শনী আৰু প্ৰতিযোগিতাৰ সম্পন্ন

ডিজিটেল সংবাদ, যোৰহাটঃ অসম কৃষি বিশ্ববিদ্যালয়ৰ ৩৫ সংখ্যক বাৰ্ষিক উদ্যান শস্য প্রদর্শনী আৰু প্ৰতিযোগিতাখন বিশ্ববিদ্যালয়ৰ যোৰহাটস্থ মূল চৌহদৰ উদ্যানশস্য কৃষি পামত আজি অনুষ্ঠিত হয়। যোৰহাটৰ লগতে ৰাজ্যৰ ৬ খন জিলা সামৰি অনুষ্ঠিত হোৱা উদ্যানশস্যৰ প্রদর্শনী আৰু প্ৰতিযোগিতাখন মুকলি কৰে অসম কৃষি বিশ্ববিদ্যালয়ৰ উপাচাৰ্য ড০ বিদ্যুৎ চন্দন ডেকাই।

Advertisment

উদ্যান বিজ্ঞান বিভাগৰ মুৰব্বী অধ্যাপক ড০ উৎপল কটকীয়ে আঁতধৰা অনুষ্ঠানটোত বক্তব্যত উপাচাৰ্য ডেকাই অসম কৃষি বিশ্ববিদ্যালয়ে অসমত কৃষি ক্ষেত্ৰৰ প্ৰসাৰৰ বাবে লোৱা পদক্ষেপ বিষয়ে উল্লেখ কৰে। বিশেষকৈ দুই তৰপীয়া আৰু তিনি তৰপীয়া কৃষিকাৰ্যৰ লগতে অসম কৃষি বিশ্ববিদ্যালয়ৰ পৰিকল্পনাৰ বিষয়ে প্ৰকাশ কৰে।

অসম কৃষি বিশ্ববিদ্যালয়ত বাৰ্ষিক উদ্যান শস্য প্রদর্শনী আৰু প্ৰতিযোগিতাৰ সম্পন্ন

এই প্ৰদর্শনীত ২৬ খন নাৰ্চাৰীৰ লগতে কৃষক, ছাত্ৰ-ছাত্রী, গৱেষক আৰু উদ্যান শস্য অনুৰাগীসকলে উৎপাদিত ফল-মূল, শাক-পাচলি, ফুল আৰু কাঠফুলাৰ পৰা আৰম্ভ কৰি বিভিন্ন উদ্যান শস্য ভিত্তিক খাদ্য সামগ্ৰী প্ৰদৰ্শন কৰে ।

অসম কৃষি বিশ্ববিদ্যালয়ত বাৰ্ষিক উদ্যান শস্য প্রদর্শনী আৰু প্ৰতিযোগিতাৰ সম্পন্ন

শুভাৰম্ভণি অনুষ্ঠানত অসম কৃষি বিশ্ববিদ্যালয়ৰ পঞ্জীয়ক তপন কুমাৰ গোহাঁই, কৃষি বিজ্ঞান গুৰু ড০ প্ৰসন্ন কুমাৰ পাঠক, স্নাতকোত্তৰ শিক্ষা সঞ্চালক ড০ অনুপ কুমাৰ দাস, সম্প্ৰসাৰণ শিক্ষা সঞ্চালক ড০ মনোৰঞ্জন নেওগ, ছাত্ৰ কল্যাণ সঞ্চালক ড০ বিনয় কুমাৰ মেধি,সামুহিক বিজ্ঞান গুৰু ড০ মামণি দাসৰ লগতে বিশ্ববিদ্যালয়ৰ গৱেষক বিজ্ঞানী সকল, মুৰব্বী অধ্যাপক সকল, ছাত্ৰ- ছাত্ৰী আৰু বহুসংখ্যক কৃষকে অংশগ্ৰহণ কৰে।

অসম কৃষি বিশ্ববিদ্যালয়