ডিজিটেল সংবাদ যোৰহাটঃ ভাৰতীয় উদ্যান বিজ্ঞান একাডেমী, নতুন দিল্লী আৰু অসম কৃষি বিশ্ববিদ্যালয়ৰ যৌথ উদ্যোগত অসম কৃষি বিশ্ববিদ্যালয়ৰ খানাপাৰাস্থিত চৌহদত ৬ৰ পৰা ৯ নৱেম্বৰলৈ "আত্মনিৰ্ভৰ ভাৰতৰ বাবে উদ্যান শস্যৰ সম্ভাৱনা মুকলি কৰা" শীৰ্ষক দশম ভাৰতীয় উদ্যান শস্য কংগ্ৰেছ অনুষ্ঠিত হ'ব।
দেশৰ বিভিন্ন প্ৰান্তৰ প্ৰায় ৫০০ বিশিষ্ট উদ্যান শস্য বিজ্ঞানীয়ে এই দশম ভাৰতীয় উদ্যান শস্য কংগ্ৰেছত অংশগ্ৰহণ কৰিব। চাৰিদিনীয়া এই কংগ্ৰেছত উদ্যান শস্য খণ্ডত ভৱিষ্যতৰ ৰূপৰেখা সন্দৰ্ভত বিশেষভাৱে আলোচনা কৰা হ'ব।
বিশেষকৈ অভিজাত জাৰ্মপ্লাজম আৰু জাতৰ বিকাশ, বৈশিষ্ট্য প্ৰজননত জিন’মিক্স, উদ্যান শস্যত কৃত্ৰিম বুদ্ধিমত্তা, সৰু সৰু বাণিজ্যিক শস্যৰ উন্নয়নৰ কৌশল, বীজ আৰু ৰোপণ সামগ্ৰী উৎপাদনৰ শেহতীয়া উন্নয়ন, বহনক্ষম উদ্যান উৎপাদনৰ বাবে উদ্ভাৱন, নগৰীয়া আৰু নগৰীয়া উদ্যান শস্য, উত্তৰ-পূব ভাৰতত উদ্যান শস্য, উদ্যান শস্য ভিত্তিক কৃষি ব্যৱস্থা, জৈৱিক আৰু অজৈৱিক চাপৰ ব্যৱস্থাপনা, জলবায়ু পৰিৱৰ্তনৰ ক্ষেত্ৰত উদ্যান শস্য, মাধ্যমিক উদ্যান শস্য, খাদ্যৰ বাবে উদ্যান শস্য - ঔষধ আৰু প্ৰসাধন উদ্যোগ, শস্য চপোৱাৰ পিছৰ লোকচান কম কৰাৰ বাবে নতুন পদক্ষেপ আৰু উন্নয়ন, নতুন শিক্ষা নীতি-২০২০ৰ অধীনত উদীয়মান বাণিজ্যিক সুযোগ আৰু উদ্যান শস্যৰ শোষণ আদি দিশৰ ওপৰত দেশৰ প্ৰসিদ্ধ কৃষি বিজ্ঞানীসকলে আলোচনা কৰিব বুলি আয়োজক সমিতিৰ সাংগঠনিক সম্পাদক ড০ অনন্ত শইকীয়াই জানিবলৈ দিছে।
