ডিজিটেল সংবাদ, চৰাইদেউঃ চৰাইদেউ জিলাৰ নিমনাগড় ইকৰাণি গাঁৱৰ নিবাসী,বিশিষ্ট সমাজকৰ্মী,অ এন জিচিৰ অৱসৰপ্ৰাপ্ত কৰ্মচাৰী যোগেন্দ্ৰ নাথ বুঢ়াগোহাঁইয়ে বৃহস্পতিবাৰে নিশা প্ৰায় ৯-২৯ মিনিট শেষ নিশ্বাস ত্যাগ কৰে । মৃত্যু সময়ত তেওঁ বয়স হৈছিল ৭৫ বছৰ ৷
মৃত্যুৰ সময়ত পত্নী, দুই পুত্ৰ, জীয়ৰী, বোৱাৰী সহ কেইবাজনো নাতি-নাতিনীক ইহ সংসাৰত এৰি থৈ যায়।জীৱন কালত বিভিন্ন অনুষ্ঠান-প্ৰতিষ্ঠানৰ সৈতে জড়িত বুঢ়াগোহাঁই দেৱৰ জন্ম হৈছিল ১৯৪৮ চনত।
নিজৰ কৰ্ম দক্ষতা আৰু দায়বদ্ধতাৰ বাবে চাকৰি কালত তেওঁ তেল আৰু প্ৰাকৃতিক গেছ নিমগন পৰা সোণৰ পদক লাভ কৰিবলৈ সক্ষম হৈছিল ৷ চাকৰি অৱসৰ গ্ৰহণ কৰি পৰৱৰ্তী সময়ত বিভিন্ন সামাজিক অনুষ্ঠানৰ সৈতে নিজকে জড়িত কৰি এক সামাজিক জীৱন আৰম্ভ কৰে ।তেখেতৰ মৃত্যুত গভীৰ শোকৰ ছাঁ পৰিছে ৷
