ছুপাৰহিট ৰত্নাকৰঃ ৰাজ্যৰ কেইবাঠাইতো ছবিগৃহত VIDEO কৰি আটক যুৱক…

ডিজিটেল ডেস্কঃ ইংৰাজী-হিন্দী ছবিক ছবিঘৰৰ পৰা উফৰাই অসমত প্ৰথমদিনাই অভূৰপূৰ্ব সহাৰি লাভ কৰিলে যতীন বৰাৰ ছবি ৰত্নাকৰে। অসমত ৫৯ টাৰ লগতে মুম্বাই, পুনে, দিল্লী, হায়দৰাবাদ আৰু বেংগালুৰুৰ ১১ টা ছবিঘৰত সগৌৰৱেৰে ছলি আছে ৰত্মাকৰ। প্ৰাপ্ত খবৰ অনুসৰি ৰাজ্যৰ ৮০ শতাংশ চিনেমাঘৰত আটাইকেইটা দৰ্শনীৰে ৩ দিনৰ টিকট ইতিমধ্যেই শেষ হৈছে। মুঠৰ ওপৰত কব পাৰি যে, অসমীয়া চিনেমাৰ জড়তা ভাঙি ৰত্নাকৰ চাবলৈ হিলদ'ল ভাঙি ছবিঘৰলৈ আহিল দৰ্শক।

ৰত্নাকৰলৈ দৰ্শকে জনোৱা সহাঁৰি মাজতে ৰাজ্যৰ কেইবাঠাইৰ ছবিঘৰত সংঘটিত হল অঘটন। ছবিখন চলি থাকোতেই ভিডিঅ কৰি আৰক্ষীৰ হাতত পৰিল কেইবাজনো যুৱক। গুৱাহাটীৰ অনুৰাধা চিনেমাহলৰ লগতে নগাঁও, ওদালগুৰি, কলিয়াবৰ, নগাঁওত ৰত্নাকৰ ছবিখন ভিডিঅ কৰি হাতে লুটে ধৰা পৰিল কেইবাজনো যুৱক। ইয়াৰে অধিক সংখ্যক যুৱকেই হৈছে কলেজীয়া ছাত্ৰ।