“সেউজীয়া আৰু পৰিষ্কাৰ গাওঁ” গঢ়ি তোলা প্ৰয়াস, চৰাইদেউত পুৱাই হাতে হাতে ঝাড়ুলৈ এজাক মহিলাৰ চাফাই অভিযান

ডিজিটেল সংবাদ, চৰাইদেউ : "য’ত পৰিস্কাৰ তাতেই সংস্কাৰ"- ৰাজ্যৰ প্ৰাক্তন মুখ্যমন্ত্ৰী সৰ্বানন্দ সোণোৱালে প্ৰৱৰ্তন কৰা ক্লীন এণ্ড গ্ৰীন ভিলেজ শীৰ্ষক আঁচনিৰ অধীনত প্ৰতিখন জিলাতে একোখনকৈ গাঁৱক আদৰ্শ গাঁও হিচাপে পৰিস্কাৰ-পৰিছন্ন আৰু সেউজ কৰি তোলাৰ পৰিকল্পনাক বাস্তৱায়িত কৰি তোলাৰ লক্ষ্যৰে সোমবাৰে চৰাইদেউ জিলাৰ চুকাফা গাঁও পঞ্চায়ত অধীনস্থ ঐতিহাসিক চৰাইদেউ মৈদাম ক্ষেত্ৰত এলেকাত এক চাফাই অভিযান চলোৱা হয় ৷

এই উপলক্ষে পুৱাই এজাক মহিলাই হাতে হাতে ঝডুলৈ মৈদাম ক্ষেত্ৰৰ আশেপাশে গ্ৰামাঞ্চল লগতে মৈদামলৈ প্ৰবেশ পৰা শৰণীয়া আলিৰ দুয়ো কাষে চাফ চিকুণ কৰি অঞ্চলটো সেউজীয়া আৰু পৰিষ্কাৰ পৰি তোলা প্ৰয়াস কৰে ৷ লগতে বাঁহৰ ডাষ্টবিন সাজি অঞ্চলটোৰ বিভিন্ন স্থাপন কৰি ৰাজহুৱা এলেকা তথা আলি-পদুলি স্বচ্ছতা আৰু পৰিস্কাৰ-পৰিচ্ছন্নতা কৰি ৰাখিবলৈ ৰাইজক আহ্বান জনাই ৷