ভাৰত-ভূটান সীমান্তত কেঁকো সাপ উদ্ধাৰ...

ডিজিটেল সংবাদ, তামুলপুৰঃ তামুলপুৰ মহকুমাৰ কুমাৰীকাটা ফৰেষ্ট ৰেঞ্জৰ অন্তৰ্গত ভাৰত ভুটান সীমান্তৰ গুৱাবাৰীত শণিবাৰে এটি কেঁকো সাপ উদ্ধাৰ কৰিবলৈ সক্ষম হয় ৷ জানিব পৰা মতে, পুৱা স্থানীয় লোকে গাঁৱখনৰ প্ৰাথমিক বিদ্যালয় চৌহদত এটি কেঁকো সাপ চৰি থকা প্ৰত্যক্ষ কৰে ।

লগে লগে কুমাৰীকাটা ফৰেষ্ট ৰেঞ্জত খবৰ দিয়ে স্থানীয় ৰাইজে ৷ খবৰ লাভ কৰাৰ লগে লগে কুমাৰীকাটা বনাঞ্চলিক কাৰ্যলয়ৰ ভাৰপ্ৰাপ্ত বনাঞ্চলিক বিষয়া বীৰেন বড়োৰ নেতৃত্বত এটি দল ঘটনাস্থলীত উপস্থিত হয় ৷ সীমান্তৰ ২৪ নং এছ এছ বিৰ বেটেলিয়নৰ দল এটিও উপস্থিত হোৱাত এছ এছ বিৰ সহযোগত কেকো সাপটো উদ্ধাৰ কৰিবলৈ সক্ষম হয় দলটোয়ে ৷

উদ্ধাৰ কৰা কেঁকো সাপডাল প্ৰথমে কুমাৰীকাটা ৰেঞ্জলৈ লৈ যোৱা হয় ৷ আৰু তাৰ পিছতে কুমাৰীকাটা বনবিভাগে সাপডাল ভুটান সীমান্তৰ ঘন জংঘলত এৰি দিয়ে বুলি জানিবলৈ দিয়ে।