ডিজিটেল সংবাদ,বিহপুৰীয়া : ঠেঙাল কছাৰী স্বায়ত্ত্বশাসিত পৰিষদৰ উদ্যোগত দেওবাৰে জ্ঞান বিকাশ বঁটা প্ৰদান কৰা হয়। বিগত বৰ্ষবোৰৰ দৰে চলিত বৰ্ষতো হাইস্কুল আৰু উচ্চতৰ মাধ্যমিকৰ শিক্ষান্ত পৰীক্ষাত সুখ্যাতিৰে উত্তীর্ণ হোৱা পৰিষদৰ এলেকাধীন কৃতী ছাত্ৰ-ছাত্ৰীসকলক জ্ঞান বিকাশ বটাঁ প্ৰদান কৰা হয় ৷ এই উদ্দেশ্যে আজি বিহপুৰীয়া জনজাতি কৃষ্টি বিকাশ কেন্দ্ৰত অনুষ্ঠিত হোৱা এখন ৰাজহুৱা সভাত লখিমপুৰ আৰু ধেমাজি জিলাৰ পৰিষদৰ এলেকাৰ অন্তৰ্ভুক্ত ৮১ গৰাকী শীক্ষাৰ্থীক এই বটাঁ প্ৰদান কৰা হয় ৷
পৰিষদৰ সাধাৰণ সদস্য কেশৱ নেওগে আতঁ ধৰা সভাখনত আদৰণি ভাষণ প্ৰদান কৰে পৰিষদৰ উপমুখ্য কাৰ্যবাহী সদস্য কেশৰাম বৰাই ৷ সভাত বিধায়ক ড° অমিয় কুমাৰ ভূঞা, সাংসদ পল্লৱলোচন দাস,পৰিষদৰ মুখ্য কাৰ্যবাহী সদস্য প্ৰতাপ কছাৰী,শংকৰদেৱ কলাক্ষেত্ৰ সমাজৰ সচিব সুদৰ্শন ঠাকুৰ , জিলা বিজেপিৰ সভাপতি ফনিধৰ বৰা,সোনোৱাল কছাৰী পৰিষদৰ খনিন্দ্ৰ সোনোৱাল,ঠেঙাল কছাৰী সংগঠনৰ প্ৰাক্তন সভাপতিদ্বয় উমাকান্ত নেওগ আৰু দীননাথ বড়া,সমাজকৰ্মী ঋষিৰাজ হাজৰিকাই অংশগ্ৰহণ কৰি শিক্ষাৰ্থী সকলক উদ্দেশ্যি বক্তব্য আগবঢ়ায়৷
