দৰঙৰ কেইবাটাও কাৰ্যসূচীত অংশগ্ৰহণ ৰাজ্যপাল গোলাপ চান্দ কাতাৰীয়াৰ

ডিজিটেল সংবাদ,মঙলদৈঃ দৰং জিলাৰ কেইবাটাও কাৰ্যসূচীত অংশগ্ৰহন কৰাৰ উদ্দেশ্যে মঙলবাৰে জিলাখনত উপস্থিত হয় ৰাজ্যপাল গোলাপ চান্দ কাতাৰীয়া ৷ বিশেষকৈ অসম দক্ষতা বিকাশ বিশ্ববিদ্যালয়, টাংনি চাহবাগিছা আদৰ্শ বিদ্যালয় , মঙলদৈ কেঞ্চাৰ কেয়াৰ হাস্পতাল পৰিদৰ্শন কৰি আবেলি ভাগত জিলাৰ সকলো বিভাগৰ মুৰব্বীৰ লগত উপায়ুক্তৰ কাৰ্যালয়ত আলোচনাত মিলিত হয় ৷

উল্লেখযোগ্য যে টাংনী চাহবাগিছা আদৰ্শ বিদ্যালয়ৰ ছাত্ৰ-ছাত্ৰীৰ সতে ৰাজ্যপাল গৰাকীয়ে মত বিনিময় কৰাৰ লগতে শিক্ষকসকলৰ শিক্ষণ প্ৰণালীৰ বুজ লয়। ছাত্ৰ-ছাত্ৰীসকলে ৰাজ্যপাল কাতাৰীয়াক গামোচাৰে আদৰণি জনায় ৷

ৰাজ্যপালগৰাকীয়ে অসম দক্ষতা বিকাশ বিশ্ববিদ্যালয় পৰিদৰ্শন কৰি কামৰ অগ্ৰগতিৰ বুজ লয় আৰু মুখ্যমন্ত্ৰীৰ সপোনৰ এই আঁচনি কম সময়ৰ ভিতৰত নিৰ্মাণ সম্পূৰ্ণ হৈ দক্ষতাযুক্ত ছাত্ৰ-ছাত্ৰী ওলাই আহিব বুলি আশা প্ৰকাশ কৰে ৷

Also Read: "ধনশিৰি পাৰৰ বিহুনাম" শীৰ্ষক গ্ৰন্থ উন্মোচন