ৰাভা দিৱস উদযাপনৰ প্ৰস্তুতি, অসম ভিত্তিত তৰ্ক প্ৰতিযোগিতা...

ডিজিটেল সংবাদ, কাজিৰঙাঃ কাজিৰঙা শাখা কবি সন্মিলনৰ উদ্যোগত কাজিৰঙা বচাগাঁও নাট্যমন্দিৰত ১৯ আৰু ২০ জুনত কাজিৰঙা আঞ্চলিক সাংবাদিক সংস্থা,কাজিফুল যুৱ সংঘ,কথা-আৰণ্যক, কাজিৰঙা অধ্যয়ন চক্ৰ আৰু কাজিৰঙাবাসীৰ সহযোগত বিষ্ণু প্ৰসাদ ৰাভা দিৱস উদ্যাপনৰ প্ৰস্তুতি ৷ ১৯ জুনত বিষ্ণু প্ৰসাদ ৰাভাৰ কবিতা আবৃত্তি, গীত আৰু নৃত্য প্ৰতিযোগিতাৰ লগতে কুইজ, চিত্ৰাংকন প্ৰতিযোগিতা অনুষ্ঠিত হ'ব ৷

২০ জুনৰ বিশেষ আকৰ্ষণ স্বৰূপে বিষ্ণু প্ৰসাদ ৰাভাৰ সান্নিধ্য লাভ কৰা ব্যক্তিৰ সৈতে মত-বিনিময়, সদৌ অসম ভিত্তিত তৰ্ক প্ৰতিযোগিতা, কলাগুৰু সোঁৱৰণ শীৰ্ষক অনুষ্ঠানত কমৰেড বিষ্ণু ৰাভাৰ জীৱন ভিত্তিক আলেখ্য পৰিৱেশন, প্ৰতিস্থিত শিল্পীৰ দ্বাৰা নৃত্য প্ৰদৰ্শন আৰু গীতৰ শৰাই ৷ অনুষ্ঠানত সকলোৰে সহযোগিতা কামনা কৰিছে উদ্যোক্তাই ৷ তদুপৰি অসম ভিত্তিত অনুষ্ঠিত হ'বলগীয়া তৰ্ক প্ৰতিযোগিতাৰ বাবে ৮৬৩৮৬১৭২৮৪, ৮৬৩৮৯৭৩৮৫২, ৯১০১৮৬০৬৪৬, ৭০০২২৬৮২০১, ৯৯৫৪৩৫৬৩৪৬ নম্বৰত যোগাযোগৰ আহ্বান জনাইছে ৷

Also Read: জোনমণি-জোনালী, সুমিত-বিপুল ইত্যাদি: শাসকৰ শক্তিৰে চলে নেকি প্ৰশাসন...