দেৰগাঁও পথ দুৰ্ঘটনাৰ আৰক্ষীৰ ছাৰ্জশ্বীটঃ ১৭গৰাকী বিল্ডাৰৰ ভুলৰ বাবেই প্ৰাণ হেৰুৱাইছিল ১২গৰাকী লোকে...

দেৰগাঁও পথ দুৰ্ঘটনাৰ আৰক্ষীৰ ছাৰ্জশ্বীটঃ ১৭গৰাকী বিল্ডাৰৰ ভুলৰ বাবেই প্ৰাণ হেৰুৱাইছিল ১২গৰাকী লোকে...

ডিজিটেল ডেস্কঃ সমগ্ৰ দেশ কপোঁৱা দেৰগাঁও পথ দুৰ্ঘটনাক লৈ গোলাঘাট আদালতত শেহতীয়াকৈ দাখিল কৰা হল চাৰ্জশ্বীট। শোকাৱহ এই দুৰ্ঘটনাত শিশু-মহিলাসহ ১২গৰাকী লোক প্ৰাণ হেৰুৱাইছিল। তীব্ৰ বেগত এখন বাছ আৰু ট্ৰাকৰ মাজত সংঘটিত হৈছিল এই ভয়ংকৰ দুৰ্ঘটনাতো।

এই দুৰ্ঘটনাতো সংঘটিত হোৱা প্ৰায় ৫মাহৰ পাছত আৰক্ষীয়ে তদন্তৰ অন্তত দাখিল কৰা প্ৰতিবেদনত অভিযুক্ত কৰিছে ৰাষ্ট্ৰীয় ঘাইপথ নিৰ্মাণ কৰি থকা ১৭গৰাকী বিল্ডাৰছক। অধিবক্তাই সদৰি কৰা অনুসৰি ছাৰ্জশ্বীটত স্পষ্টকৈ উল্লেখ কৰা হৈছে যে, পথ নিৰ্মাণৰ সময়ত সঠিক সাংকেতিক চিহ্ন ব্যৱহাৰ নকৰাৰ বাবেই এই ভয়ংকৰ ঘটনা সংঘটিত হবলৈ পালে।

DIVERSION নথকাৰ বাবেই একেটা পথতে দুয়োখন বাহন বিপৰীত দিশৰ পৰা প্ৰচণ্ড গতিত আহি আছিল। যাৰ ফলত বনভোজ খাবলৈ যোৱা বাছখনত খুন্দা মাৰিছিল কয়লাভৰ্তি ট্ৰাকখনে।

উল্লেখ নকৰিলে নহব যে, এই ঘটনাৰ পাছতে ৰাজ্য তথা দেশজুৰি শোকৰ ছাঁ পৰিছিল। বছাভৰলু গাৱঁৰ পৰা টিলিঙা মন্দিৰ দৰ্শন কৰি ভোজৰ বাবে যোৱা এই বনভোজকাৰী দলটো ১২গৰাকী লোকে প্ৰাণ হেৰুওৱাৰ লগতে একেখন গাঁৱৰে ২০গৰাকীলৈ লোক চিৰদিনৰ বাবে ঘূণীয়া হৈছিল।

ইতিমধ্যে দেৰগাঁও আৰক্ষীয়ে তদন্ত প্ৰক্ৰিয়া সমাপ্ত কৰিছে বুলি ঘোষণা কৰিছে। ইয়াৰ পিছতে বিভিন্ন দল-সংগঠনে উক্ত ১৭গৰাকী বিল্ডাৰছৰ বিৰুদ্ধে প্ৰশাসনে কঠোৰ ব্যৱস্থা গ্ৰহণৰ দাবী তুলিছে। লগতে নিহত আৰু আহতসকলৰ পৰিয়ালক ক্ষতিপূৰণ দিবলৈ আহ্বান জনাইছে।

দেৰগাঁও পথ দুৰ্ঘটনাৰ আৰক্ষীৰ ছাৰ্জশ্বীটঃ ১৭গৰাকী বিল্ডাৰৰ ভুলৰ বাবেই প্ৰাণ হেৰুৱাইছিল ১২গৰাকী লোকে...
নীট পৰীক্ষাত খেলি-মেলি কৰা কাকোৱেই ৰেহাই দিয়া নহবঃ NTAৰ বিৰুদ্ধে কঠোৰ কেন্দ্ৰীয় শিক্ষামন্ত্ৰী...

Related Stories

No stories found.
X
Code:
logo
Asomiya Pratidin
www.asomiyapratidin.in