ডিজিটেল সংবাদ,বোকাজান: ৰাজ্যৰ বিভিন্ন প্ৰান্তৰ লগতে বোকাজানতো উলহ-মালহেৰে ৭৮ সংখ্যক স্বাধীনতা দিৱস পালন কৰা হয়৷ বোকাজান ক্ৰীড়া সন্থাৰ খেলপথাৰত মহকুমা প্ৰশাসনে অনুষ্ঠিত কৰা স্বাধীনতা দিৱসত অতিৰিক্ত জিলা আয়ুক্ত দেবাহুতি বৰাই পতাকা উত্তোলন কৰে।
ৰাষ্ট্ৰীয় পতাকা উত্তোলন কৰাৰ পাছতেই আৰক্ষী, অৰ্ধসামৰিক বাহিনী, এনচিচি কেডেট, বিভিন্ন বিদ্যালয়ৰ ছাত্ৰ-ছাত্ৰীৰ পেৰেড তথা অভিবাদন গ্ৰহণ কৰে জিলা আয়ুক্তগৰাকীয়ে৷ পতাকা উত্তোলন কৰি ৰাইজক উদ্দেশ্যি দিয়া ভাষণত চৰকাৰে ৰূপায়ণ কৰা বিভিন্ন উন্নয়ন মুলক আঁচনিৰ লগতে অনাগত দিনত চৰকাৰে গ্ৰহণ কৰিবলগীয়া আঁচনি সমূহৰ বিষয়ে অতিৰিক্ত জিলা আয়ুক্ত দেবাহুতি বৰাই উপস্থিত ৰাইজক অৱগত কৰে৷
