গোলাঘাটত গাঞ্জা সৰবৰাহকাৰীৰ অট্টালিকা বাজেয়াপ্ত...

ডিজিটেল সংবাদ গোলাঘাট: গোলাঘাটত প্ৰথম বাৰৰ আৰক্ষীয়ে বাজেয়াপ্ত কৰিলে গাঞ্জা সৰবৰাহকাৰীৰ অট্টালিকা। শুল্ক বিভাগৰ জাননী অনুযায়ী গোলাঘাটৰ আৰক্ষীয়ে বাজেয়াপ্ত কৰে এই গাঞ্জা সৰবৰাহকাৰীৰ অট্টালিকাটো ।

বিজিত নাথ ওৰফে বনগুটি নামৰ লোকজনক কেইমাহ মানৰ পূৰ্বে গাঞ্জাসহ গ্ৰেপ্তাৰ কৰিছিল গোলাঘাটৰ আৰক্ষীয়ে। ইয়াৰ পিছতে গোলাঘাটৰ আৰক্ষীয়ে শুল্ক বিভাগলৈ আবেদন কৰিছিল ।

আয়ৰ উৎস সঠিকভাবে জনাব পৰা নাছিল গাঞ্জা সৰবৰাহকাৰী বিজিত নাথে। তেওঁ নিৰ্মাণ কৰা কোটি  টকীয়া অট্টালিকাক লৈয়ো উত্থাপন হৈছিল প্ৰশ্ন।

উল্লেখ্য যে আৰক্ষীৰ দ্বাৰা সম্পত্তি বাজেয়াপ্ত ঘটনা গোলাঘাটত এইটোৱে প্ৰথম।