ডিজিটেল সংবাদ, বৰপথাৰঃ বৃহস্পতিবাৰে বৰপথাৰ আৰক্ষীয়ে এক গোপন খবৰৰ ভিত্তিত জব্দ কৰে বৃহৎ পৰিমাণৰ হেৰ'ইন। ২ড্ৰাগছ সৰবৰাহকাৰীকো আটক কৰিবলৈ সক্ষম হয় আৰক্ষীৰ দলটো। খাকৰাজানস্থিত আৰক্ষীৰ নাকা তালাচীত জব্দ হয় হেৰ'ইনখিনি।
ডিমাপুৰৰ পৰা গোলাঘাট অভিমুখি এ এচ-১৩-এফ- ৫২৫৭ নম্বৰৰ আই-২০ বাহনত গোপন চেম্বাৰত লুকুৱাই হেৰ'ইনখিনি সৰবৰাহৰ চেষ্টা চলাইছিল ২ সৰবৰাহকাৰীয়ে। ৬০ টা প্লাষ্টিকৰ চাবোনৰ বাকচত উদ্ধাৰ কৰা হৈছে ৭২৬.০৫ গ্ৰাম হেৰ'ইন। জব্দকৃত হেৰ'ইনখিনিৰ বজাৰ মূল্য প্ৰায় ৪ কোটি টকা বুলি সদৰি কৰিছে বৰপথাৰ আৰক্ষীয়ে। আটকাধীন ২ সৰবৰাহকাৰী হ'ল ইম্ফলৰ চাজিত খান আৰু ইকবাল আহমেদ।
