নগাঁৱত গ্ৰেপ্তাৰ চাৰি ড্ৰাগছ সৰবৰাহকাৰীক

ডিজিটেল সংবাদ,নগাঁও: নগাঁৱত গ্ৰেপ্তাৰ চাৰি ড্ৰাগছ সৰবৰাহকাৰী ৷ নগাঁৱৰ দিফলুৰ পৰা গ্ৰেপ্তাৰ কৰা হৈছে দুই সৰবৰাহকাৰী ৷ গ্ৰেপ্তাৰ কৰা সৰবৰাহকাৰী দুজনৰ নাম হৈছে মৃনাল ভূঞা আৰু হীৰক জ্যোতি বৰা ৷

দুয়োকে হেৰ'ইনৰ কন্টেনাৰ সহ দিফলু তিনি আলিত ৰাইজে কৰায়ত্ব কৰি আৰক্ষীক খবৰ দিয়ে ৷ ইটাচালী আৰক্ষীয়ে পিছত দুয়োকে গ্ৰেপ্তাৰ কৰে ৷

ইফালে হয়বৰগাঁও আৰক্ষীয়ে গ্ৰেপ্তাৰ কৰে দুই ড্ৰাগছ সৰবৰাহকাৰীক ৷ গ্ৰেপ্তাৰ কৰা ড্ৰাগছ সৰবৰাহকাৰী দুজনৰ নাম হৈছে মাইনউদ্দিন(৩৫) আৰু আইনুদ্দিন(৩২)৷ দুয়োজনকে আৰক্ষীয়ে ভকতগাঁৱৰ পৰা গ্ৰেপ্তাৰ কৰিছে হয়বৰগাঁও আৰক্ষীয়ে ৷

আৰু পঢ়ক: উৎকোচ লৈ হাতে-লোটে গ্রেপ্তাৰ কোষাগাৰ গাণনিক বিষয়া…