ডিজিটেল ডেস্ক : মাছ মাৰি লাখপতি হোৱাৰ সুৱৰ্ণ সুযোগ । অহা ১০ ডিছেম্বৰত পুখুৰীত মাছ ধৰা প্ৰতিযোগিতা পাতিছে গৃহস্থই । আধা কেজিৰ পৰা ৮ কেজিলৈকে মাছ আছে পুখুৰীটোত । যিয়ে এই প্ৰতিযোগিতাত অংশ লৈ সকলোতকৈ বেছি ওজনৰ মাছটো ধৰিব তেওঁ লাভ কৰিব ৪ লাখ টকা ।
আনহাতে, দ্বিতীয় পুৰস্কাৰ হিচাপে লাভ কৰিব ২ লাখ আৰু তৃতীয় পুৰস্কাৰ হিচাপে লাভ কৰিব ১ লাখ টকা । ইয়াৰ ওপৰিও চতুৰ্থ, পঞ্চম আৰু ষষ্ঠ পুৰস্কাৰ লাভ কৰোতাই পাব ক্ৰমে ৫০ হাজাৰ, ৩০ হাজাৰ আৰু ২০ হাজাৰ টকা । লগতে সপ্তম পুৰস্কাৰ হিচাপে দিয়া হ'ব ১৫ হাজাৰ টকা আৰু আন ৩ জন ব্যক্তিয়ে লাভ কৰিব ১০ হাজাৰকৈ টকা ।
দক্ষিণ কামৰূপৰ গৰৈমাৰী ভালুকবাৰীৰ শংকৰ আজান মীন পালন পামে আয়োজন কৰিছে এই প্ৰতিযোগিতা ।
কোনো আগ্ৰহী লোকে এই প্ৰতিযোগিতাত অংশগ্ৰহণ কৰিব বিছাৰিলে ৯১০১১৭০২৪২ নম্বৰত যোগাযোগ কৰিবলৈ আহ্বান জনাইছে আয়োজক সকলে ।
