অৱশেষত ৰৌতা এনকাউণ্টাৰৰ ৰহস্য ফাদিল : এনকাউণ্টাৰত ভুল আছিল বুলি উল্লেখ আৰক্ষীৰ

ৰৌতা এনকাউণ্টাৰৰ প্ৰকৃত তথ্য আহিল পোহৰলৈ।

আৰক্ষীৰ এনকাউণ্টাৰত মৃত্যু হোৱা লোকজন আছিল ডিম্বেশ্বৰ মুছাহাৰী।

ডিএনএ পৰীক্ষা সম্পন্ন কৰাৰ পাছত নিশ্চিত হ'ল আৰক্ষী।

এক প্ৰেছ বিজ্ঞপ্তিৰ জৰিয়তে চি আই ডিয়ে প্ৰকাশ কৰিছে এই কথা।

ওদালগুৰি এনকাউণ্টাৰত ভুল আছিল বুলিও আৰক্ষীৰ উল্লেখ।

যোৱা ২৮ ফেব্ৰুৱাৰীত ডি এন এ পৰীক্ষাৰ বাবে জি এম চি এইছলৈ অনা হৈছিল মৃতদেহ।

প্ৰথমে আৰক্ষীয়ে মৃতদেহটো কেনাৰাম বসুমতাৰীৰ বুলি দাবী কৰিছিল।

দুধৰ্ষ ডকাইত কেনাৰামৰ পৰিয়ালেও ডিম্বেশ্বৰ মুছাহাৰীৰ মৃতদেহকেই কেনাৰাম বুলি কৱৰস্থ কৰিছিল।

হিন্দু ধৰ্মীয় নিয়ম অনুসৰি মৃতদেহ দাহ কৰিব লাগিছিল যদিও কেনাৰামৰ পৰিয়ালে মৃতদেহ দাহ কৰাৰ পৰিৱৰ্তে কৱৰস্থ কৰিছিল।

তাৰ পাছতেই ডিম্বেশ্বৰ মুছাহাৰীৰ পত্নীয়ে দাবী কৰিছিল সেই মৃতদেহ কেনাৰামৰ পৰিৱৰ্তে ডিম্বেশ্বৰ মুছাহাৰীৰ।

দাবী কৰাৰ পাছতেই আৰম্ভ হৈছিল বিতৰ্কৰ।

অৱশেষত শনিবাৰে GMCHত চিনাক্ত কৰা হৈছে মৃতদেহ। ।

ফ'ৰেন্সিক পৰীক্ষাৰ বাবে কেইবাদিন পূর্বেই লোৱা হৈছিল ডি এন এ চেম্প’ল।

ফ'ৰেন্সিক পৰীক্ষাৰ অন্তত পৰিয়ালক লোকক গতাই দিয়া হৈছে ডিম্বেশ্বৰ মুছাহাৰীৰ মৃতদেহ।