ভূটানে এৰিছে পানী : মানাহ,বেকী,পাগলাদিয়া আৰু বৰনদীৰ জলস্তৰ বৃদ্ধি

ডিজিটেল ডেস্ক : নামনি অসমত জলপ্ৰলয়ৰ আশংকা। ভূটানে পানী এৰি দিয়াৰ ফলত মানাহ আৰু বেকী নৈত বৈছে ধল। যিকোনো মূহুৰ্ততে নামনি অসমৰ কেইবাখনো জিলাত আহিব পাৰে বানপানী ।

চুবুৰীয়া দেশখনৰ কুৰিশ্বো বান্ধৰ পানী এৰি দিয়াৰ ফলত উক্ত নৈ দুখনত ধল বৈছে। উল্লেখ্য যে বৃহস্পতিবাৰে নিশা ১২ বজাত কুৰিশ্বো বান্ধৰ পানী এৰি দিয়া সন্দৰ্ভত ভূটানৰ ৰাজকীয় চৰকাৰে আগজাননী দিছিল।

ইতিমধ্যে বাক্সা জিলা প্ৰশাসনে জনসাধাৰণৰ প্ৰতি জাৰি কৰিছে বিশেষ সতৰ্কবাণী। সতৰ্ক কৰি দিয়া হৈছে বেকী আৰু মানাহ নদীৰ দাঁতিকাষৰীয়া অঞ্চলৰ বাসিন্দাসকলক। অঞ্চলবাসীক নিৰাপদ স্থানলৈ যাবলৈ নিৰ্দেশ দিয়া হৈছে। উক্ত নৈ দুখনৰ সমান্তৰালকৈ বৃদ্ধি পাইছে পাগলাদিয়া আৰু বৰনদীৰ জলস্তৰ।

উল্লেখ্য যে ভূটানৰ ৰাজকীয় চৰকাৰৰ আগজাননী লাভ কৰি মুখ্যমন্ত্ৰী ড০ হিমন্ত বিশ্ব শৰ্মাই জিলা প্রশাসনলৈ সতৰ্কতামূলক ব্যৱস্থা গ্ৰহণৰ বাবে জৰুৰী নিৰ্দেশ প্ৰদান কৰিছে। উৰা বাতৰিত নির্ভৰ নকৰি প্রশাসনৰ নির্দেশ অনুসৰি ৰাইজক সজাগ আৰু সতৰ্ক হৈ থাকিবলৈ অনুৰোধ জনাইছে মুখ্যমন্ত্ৰী শৰ্মাই।

The Royal Government of Bhutan has informed us that tonight there will be an excess release of water from the Kurichu Dam. We have alerted our district administrations to remain vigilant and assist the people in every possible way in case the water breaches the Beki and Manas…

— Himanta Biswa Sarma (@himantabiswa) July 13, 2023

Also Read: লংকাত বিদ্যুৎস্পৃষ্ট হৈ মৃত্যু এজন লোকৰ