ডিজিটেল সংবাদ, মানকাচৰ : ফকিৰগঞ্জত সঘনেই চলিছে আৰক্ষীৰ ড্ৰাগছ বিৰোধী অভিযান। ফকিৰগঞ্জ থানাৰ নতুনকৈ কাৰ্যভাৰ গ্ৰহণ কৰা ভাৰপ্ৰাপ্ত আৰক্ষী বিষয়া কুন্দন ৰবিদাস ড্ৰাগছ বিৰোধী অভিযানত কঠোৰ হৈ পৰা পৰিলক্ষিত হৈছে ৷ ড্ৰাগছ বিৰোধী অভিযানত ইতিমধ্যে ড্ৰাগছসহ বহু ড্ৰাগছ সৰবৰাহকাৰীক গ্ৰেপ্তাৰ কৰিবলৈ সক্ষম হৈছে ৷
উল্লেখ্য যে ফকিৰগঞ্জ থানাৰ ভাৰপ্ৰাপ্ত বিষয়া কুন্দন ৰবিদাসে গোপন সূত্ৰৰ পম খেদি তেওঁৰ নেতৃত্বত আৰক্ষীৰ দল এটাই আইৰকাটা অঞ্চলত অভিযান চলাই ১৮ মাহৰ সন্তানৰ মাতৃ মঞ্জিলা খাতুনক ড্ৰাগছসহ গ্ৰেপ্তাৰ কৰে ৷
বৰ্তমান জিলা অতিৰিক্ত আৰক্ষী অধীক্ষক ফাৰুক আহমেদে ফকিৰগঞ্জ থানাত উপস্থিত হৈ মঞ্জিলা খাতুনক সোধা পোচা কৰি খাতুনৰ বিৰুদ্ধে এক গোচৰ ৰুজু কৰে আৰু মঞ্জিলা খাতুনক জেল হাজোতলৈ প্ৰেৰণ কৰিব বুলি জানিব দিয়ে ৷
