ডিজিটেল সংবাদ, লামডিংঃ ৰাজ্যত অব্যাহত আছে ড্ৰাগছ বিৰোধী অভিযান । লামডিঙত ড্ৰাগছসহ হাতে-লোটে দুজন যুৱকক আটক কৰে আৰক্ষীয়ে ।
আৰক্ষীয়ে গোপন সূত্ৰৰ পম খেদি লামডিং সমাজবাড়ী অঞ্চলৰ ৰেল লাইনৰ সম্মুখত চলাইছিল অভিযান। আটকাধীন যুৱক দুজনৰ হৈছে পৰীক্ষিত পাল আৰু সমীৰ দেৱ ৷
যুৱক দুজন লামডিং ৰিফোজী কলনিৰ বাসিন্দা বুলি জানিব পৰা গৈছে । লামডিং আৰক্ষী জানিব দিয়া মতে যুৱক দুজনে বহু দিন ধৰি লামডিঙৰ বিভিন্ন অঞ্চলত ড্ৰগছ ব্যৱসায় কৰি আহিছিল ।
লামডিং আৰক্ষীয়ে যুৱক দুইজনৰ পৰা প্ৰায় ৪৩.০৮ গ্ৰাম ড্ৰাগছ জব্দ কৰিবলৈ সক্ষম হৈছে । যাৰ বজাৰ মূল্য প্ৰায় ৪ লাখ টকাৰো অধিক বুলি জানিব দিছে ৷
