নগাঁৱৰ কুহুমতলিত নিশা গুলীচালনা...

ডিজিটেল সংবাদ,নগাঁও : নগাঁৱত আৰক্ষীৰ গুলীচালনা ৷ নিশা ড্ৰাগছ বিৰোধী অভিযানত চলিল গুলীচালনা ৷ কুহুমতলি তিনিআলিত সংঘটিত হয় শুক্ৰবাৰে নিশা গুলীচালনাৰ ঘটনা ৷

মৰিগাঁও আৰক্ষীৰ এটি দলে শিৱস্থান কুহুমতলি তিনিআলিত ড্ৰাগছৰ বিৰুদ্ধে অভিযান চলাইছিল ৷ গোপন সুত্ৰৰ পম খেদি চলোৱা অভিযানত আৰক্ষীৰ দলটোয়ে দুজন ড্ৰাগছ ব্যৱসায়ীক গ্ৰেপ্তাৰ কৰে ৷ গ্ৰেপ্তাৰ কৰা ড্ৰাগছ ব্যৱসায়ী দুজনৰ নাম হৈছে ইক্ৰামূল হুছেইন আৰু শুকুৰ আলী ৷

ইক্ৰামূল আৰু শুকুৰক গ্ৰেপ্তাৰৰ সময়ত মৰিগাঁও আৰক্ষীক স্হানীয় লোকে বাধা দিবলৈ চেষ্টা কৰাতে আৰক্ষীয়ে শূণ্যলৈ গুলীচালনা কৰিবলৈ বাধ্য হয় ৷ জানিব পৰা মতে মৰিগাঁও আৰক্ষীৰ এই অভিযানত প্ৰায় ১ কোটি টকাৰ হেৰ’ইন জব্দ কৰা হৈছে ৷