ডিজিটেল ডেস্কঃ বৃহস্পতিবাৰে অনুষ্ঠিত হোৱা দিছপুৰত কেবিনেটত বহু কেইটা গুৰুত্বপূৰ্ণ বিষয়ে স্থান লাভ কৰিছে । আজিৰ কেবিনেটে গ্ৰহণ কৰা গুৰুত্বপূৰ্ণ সিদ্ধান্ত সমূহ হৈছে বিটিআৰৰ অধীনৰ জিলাসমূহত আই চি ডি এছ প্রকল্পৰে এতিয়াৰে পৰা সীমা নিৰ্ধাৰণ কৰা হ’ব । স্বায়ত্তশাসিত পৰিষদক কাৰিকৰী কাম সম্পূৰ্ণ কৰাৰ বাবে ক্ষমতা প্রদান কৰা হৈছে । এতিয়াৰে পৰা প্ৰাক্তন কাৰ্যবাহী অভিযন্তাসকলক আঁচনি সমূহৰ সঠিক ৰূপায়নৰ বাবে পৰিষদে নিযুক্তি দিব পাৰিব ।
লগতে সংশোধন কৰা হৈছে এম বি বি এছ, বি ডি এছ পাঠ্যক্ৰমৰ নিয়মাৱলীৰ । চিকিৎসা বিজ্ঞানৰ শিক্ষাৰ অসমৰ ক্ষেত্রত এন আৰ আইৰ শিতানত সংৰক্ষণ ব্যৱস্থাৰ সিদ্ধান্ত গ্ৰহণ । লগতে ১০ শতাংশ আসন সংৰক্ষিত থাকিব । তদুপৰি অসম তথা দেশৰ বাহিৰত থকা সকলেও এই সুবিধা ল’ব পাৰিব । ইয়াৰ উপৰি বহু কেইটা জনগোষ্ঠীৰ বাবে আসন সংৰক্ষণৰ সুবিধা প্ৰদান ।
মৰাণ আৰু মটক জনগোষ্ঠীৰ বাবে ৫ খন, টাই আহোমৰ বাবে ৭খন, চুতীয়াৰ বাবে ৬ খন, কোঁচ ৰাজবংশীৰ বাবে ১০খনলৈ এমবিবিএথৰ আসন বৃদ্ধিৰ সিদ্ধান্ত আজিৰ কেবিনেটত । বিডিএছ শিতানত সকলোৰে বাবে একোখনকৈ আসন সংৰক্ষিত থাকিব । তদুপৰি ৰাজ্যৰ ছয়খনকৈ চিকিৎসা মহাবিদ্যালয়ত আৰ্থিকভাৱে পিছপৰা শ্ৰেণীৰ ১০% সংৰক্ষণৰ ব্যৱস্থাৰ সিদ্ধান্ত ।
নন-জুডিচিয়েল ফিজিকেল ষ্টাম্প প্ৰচলনৰ বাতিলেৰে ডিজিটেল ষ্টাম্পিঙৰ সম্প্ৰসাৰণ । ১ জুলাই ২০২৩ৰ পৰা কাৰ্যকৰী হোৱাকৈ কোষাগাৰৰৰ পৰা নন-জুডিচিয়েল ষ্টাম্পৰ বিক্ৰীৰ বন্ধ কৰা হ'ব । ৩০ জুন ২০২৩ৰ পূৰ্বে ক্ৰয় কৰা ষ্টাম্পসমূহ ৩০ ছেপ্টেম্বৰলৈকে গ্ৰহণ কৰা হ'ব । অনুজ্ঞাপত্র থকা লোকসকলে ডিজিটেল ব্যৱস্থালৈ পৰিৱৰ্তন কৰিব পাৰিব । ষ্টাম্প পেপাৰৰ ব্যৱসায়ীসকলক ৰাজ্য চৰকাৰে প্ৰদান কৰিব ১লাখ টকাকৈ ।
তদুপৰি ২১ জুনত ৰাজ্যজুৰি আয়োজন কৰা হ’ব যোগ দিৱস । ধুবুৰী জিলাত ৰাজ্য চৰকাৰে কেন্দ্রীয়ভাৱে আয়োজন কৰিব এই দিৱস । এই কাৰ্যসূচীত অংশগ্রহণ কৰিব মুখ্যমন্ত্রীয়ে । প্রতিখন জিলাতে অনুষ্ঠিত হ’ব যোগ দিৱসৰ কাৰ্যসূচী ।
