ডিজিটেল সংবাদ, মৰিগাওঁঃ মৰিগাঁৱৰ তৰুণৰাম ফুকন খেলপথাৰত বিত্ত আৰু সমাজ কল্যাণ মন্ত্ৰী অজন্তা নেওগে ১ ছেপ্টেম্বৰত ৭ম ৰাষ্ট্ৰীয় পোষণ মাহ -২০২৪ কাৰ্যসূচীত ড০ অনামিকা ৰায় মেম'ৰিয়েল ট্ৰাষ্টৰ দ্বাৰা প্ৰস্তুত কৰা এটা ডিজিটেল এনিমেটেড ভিডিঅ' মুকলি কৰে।
মহিলা আৰু শিশু বিকাশ বিভাগৰ দ্বাৰা আয়োজিত এই অনুষ্ঠানটোৱে পুষ্টি আৰু স্বাস্থ্য সজাগতা বৃদ্ধিৰ লক্ষ্যৰে এক মাহজোৰা ৰাজ্যব্যাপী অভিযান আৰম্ভ কৰে। অনুষ্ঠানটোৱে ট্ৰাষ্টৰ দ্বাৰা ডিজাইন কৰা এখন পোষ্টাৰ আৰু এটা হটপচ গেমো মুকলি কৰে যিয়ে স্বাস্থ্যকৰ খাদ্যাভ্যাসৰ গুৰুত্ব সূচায়।
উদ্বোধনী অনুষ্ঠানত অংগনৱাড়ী কৰ্মী, সহায়িকা, গৰ্ভৱতী মহিলা আৰু স্তনপান কৰাই থকা মাতৃৰ লগতে বিভিন্ন আত্মসহায়ক গোটৰ সদস্যকে ধৰি প্ৰায় ৫০০০ মহিলাই অংশগ্ৰহণ কৰে। ভিডিঅ'টোত স্তনপানৰ গুৰুত্ব আৰু স্তনপান কৰা মাতৃসকলৰ মাজত ইয়াৰ তাৎপৰ্যৰ ওপৰত গুৰুত্ব আৰোপ কৰা হৈছে।
