খোৱাঙত বিগত বানত ক্ষতিগ্ৰস্ত লোকৰ সৈতে মত বিনিময় মন্ত্ৰী পীযুষ হাজৰীকাৰ

ডিজিটেল সংবাদ খোৱাং : জলসম্পদ মন্ত্ৰী পীযুষ হাজৰীকাই সোমবাৰে ডিব্ৰুগড় জিলাৰ খোৱাং চাৰিআলিৰ জয়মতী প্ৰেক্ষাগৃহত খোৱাং সমষ্টিত বিগত বানত ক্ষতিগ্ৰস্ত ৰাইজৰ সৈতে এক মত বিনিময় অনুষ্ঠানত অংশ লয় । খোৱাং সমষ্টিত বুঢ়ীদিহিং নৈৰ বান-খহনীয়াই সৃষ্টি কৰা সমস্যা সমাধানৰ ক্ষেত্ৰত জলসম্পদ বিভাগৰ ডিব্ৰুগড় সংমণ্ডলে গ্ৰহণ কৰা পদক্ষেপসমূহ আজিৰ সভাতে মন্ত্ৰীগৰাকীৰ লগতে বিভাগীয় অভিযন্তাসকলে স্থানীয় ৰাইজৰ আগত তুলি ধৰে ।

সমষ্টিটোৰ বান সমস্যা সমাধানৰ বাবে ৰাজ্য চৰকাৰে আন্তৰিকতাৰে কাম কৰি আছে বুলি মন্তব্য কৰে মন্ত্ৰী হাজৰীকাই। লগতে আগন্তুক সময়ত সমষ্টিটোত পৰ্যায়ক্ৰমে বান-খহনীয়া সমস্যা সম্পূৰ্ণৰূপে সমাধান কৰা হ'ব বুলি ৰাইজক প্ৰতিশ্ৰুতি প্ৰদান কৰে ।

Also Read: জৈৱিক কীটনাশকৰ বাণিজ্যিক উৎপাদনৰ জৰিয়তে কৃষকক সকাহ দিয়াৰ লক্ষ্য...