ডিজিটেল সংবাদ,টেঙাখাত : অসম জাতীয় পৰিষদ দুলিয়াজান সমষ্টি সমিতিৰ উদ্যোগত আৰু লেংৰাইবাসী ৰাইজৰ সহযোগত শ্ৰমদান কাৰ্যসূচী ৰূপায়ণ কৰা হয়। মঙলবাৰে টেঙাখাত লেংৰাই তিনিআলিৰ পৰা দক্ষিণ কপহুৱাত সংযোগ হোৱা প্ৰায় ডেৰ কিলোমিটাৰ দৈঘ্যৰ এটা জৰাজীৰ্ণ পথত শ্ৰমদান কাৰ্যসূচী ৰূপায়ন কৰা হয়।
পুৱা প্ৰায় ১১ বজাত আৰম্ভ হোৱা উক্ত কাৰ্যসূচীত পৰিষদৰ একাংশ নেতা-কৰ্মীৰ লগতে অসম জাতীয় পৰিষদৰ সভাপতি লুৰিণজ্যোতি গগৈ উপস্থিত থাকে। এই শ্ৰমদান কাৰ্যসূচীত সভাপতিগৰাকীয়ে অংশগ্ৰহণ কৰে।
উল্লেখযোগ্য যে সোমবাৰে কটন বিশ্ববিদ্যালয়ৰ এক অনুষ্ঠানত শিল্গী জুবিন গাৰ্গে অসম জাতীয় পৰিষদ সন্দৰ্ভত কৰা মন্তব্যৰ সভাপতি লুৰিণজ্যোতি গগৈয়ে প্ৰতিক্ৰিয়া প্ৰকাশ কৰে।
