গেৰুকামুখত মুকবধিৰ যুৱতী খিলমিনা খেৰিয়া সন্ধানহীন...

ডিজিটেল সংবাদ, ধেমাজিঃ ধেমাজি জিলাৰ গেৰুকামুখ আৰক্ষী থানাৰ অন্তৰ্গত বগান তিনিআলিৰ পৰা খিলমিনা খেৰিয়া নামৰ এগৰাকী ২২ বছৰীয়া মুকবধিৰ যুৱতী সন্ধানহীন হৈছে৷ জানিব পৰা মতে মুকবধিৰ যুৱতী গৰাকীয়ে ককায়েক লেডে খেৰিয়া আৰু বৌয়েক ভন্তী খেৰিয়াৰ সৈতে যোৱা ২৭ মাৰ্চতে ওচৰতে থকা মানুহ ঘৰলৈ আলহী খাবলৈ যাওঁতেই হঠাতে সন্ধানহীন হৈ পৰে৷ 

মাহী মাকৰ জীয়েক খিলমিনাৰ বৰ্তমানে ককায়েক, বৌয়েকৰ বাহিৰে আন কোনো আপোন মানুহ নাই৷ ইতিমধ্যে তেওঁৰ পিতৃ, মাতৃৰ মৃত্যু হৈছে৷ অঞ্চলটোৰ ৰাইজৰ লগতে পৰিয়ালে ইতিমধ্যে বিভিন্ন ঠাইত সন্ধান চলোৱাৰ লগতে খা-খবৰ লৈছে যদিও এতিয়াও তেওঁৰ সন্ধান পোৱা নাই ৷

প্ৰায় ৫ ফুট ৪ ইঞ্চি ওখ যুৱতীগৰাকী হঠাতে সন্ধানহীন হোৱা ঘটনাই অঞ্চলটোত ব্যাপক চাঞ্চ্যলৰ সৃষ্টি কৰিছে। কোনো লোকে তেওঁৰ সন্ধান পালে ৯১০১১২১৪৫৪ মোবাইল নম্বৰৰ জৰিয়তে যোগাযোগ কৰিবলৈ পৰিয়াল তথা গাঁওখনৰ ৰাইজে অনুৰোধ জনাইছে৷