ডিজিটেল সংবাদ ধেমাজিঃ দক্ষিণ কামৰূপ ট্ৰাইবেল বেল্ট ব্লকৰ অন্তৰ্গত সোণাপুৰ কচুতলিত অবৈধ বে-দখলকাৰীক উচ্ছেদ কৰা কাৰ্যক ধেমাজি জিলা ট্ৰাইবেল সংঘই আদৰণি জনোৱাৰ লগতে সোমবাৰে বিয়লি সংঘই বিজয় উৎৱস পালন কৰে ৷
এই উপলক্ষে ধেমাজি জিলা ট্ৰাইবেল সংঘৰ কাৰ্য্যালয়ত সোমবাৰে বিয়লি বিজয় উৎসৱ পালন কৰে ৷ ধেমাজি জিলা ট্ৰাইবেল সংঘৰ সভাপতি দেৱ কছাৰী আৰু সাধাৰণ সম্পাদক জীৱন চন্দ্ৰ পায়েঙে ৰাজ্যৰ মুখ্যমন্ত্ৰী ড° হিমন্ত বিশ্ব শৰ্মাক ধন্যবাদ জ্ঞাপন কৰি ১২০০ বিঘা ভূমি বেদখলকাৰীৰ পৰা মুক্ত কৰা কাৰ্যক আদৰণি জনায় ৷
ইয়াৰোপৰি অসমৰ ৪৭ টা ট্ৰাইবেল্ট এণ্ড ব্লকৰ পৰা সন্দেহযুক্ত অবৈধ নাগৰিকক উচ্ছেদ কৰিবলৈও মুখ্যমন্ত্ৰীক আহ্বান জনায় ধেমাজি জিলা ট্ৰাইবেল সংঘই ৷
