ডিজিটেল সংবাদ, ধেমাজিঃ ধেমাজি পৌৰসভাৰ অধীনৰ ৬নং ৱাৰ্ডৰ কোলাপথাৰ লখিমীনগৰত সোমবাৰে পুৱা ৯ বজাত অধ্যাপক ৰিদিপ ফুকনৰ গৃহত এখনি গাওঁৰ উন্নয়নমূলক ৰাজহুৱা সভা অনুষ্ঠিত হয়৷ ধেমাজি মহাবিদ্যালয়ৰ অৱসৰপ্ৰাপ্ত উপাধ্যক্ষ তথা বিশিষ্ট কণ্ঠশিল্পী ড° বনজিৎ ভট্টৰ পৌৰহিত্যত অনুষ্ঠিত হোৱা ৰাজহুৱা সভাখনৰ উদ্দেশ্য ব্যাখ্যা কৰে শিক্ষক দেৱজ্যোতি কলিতাই ৷
সভাত গাওঁখনৰ শান্তি, সুৰক্ষা আৰু সৰ্বাংগীন উন্নয়নৰ বাবে সকলো সময়তে অঞ্চলবাসী ৰাইজে দৃঢ়তাৰে কাম কৰি যোৱা পোষকতা কৰি বক্তব্য প্ৰদান কৰে ক্ৰমে অৱসৰপ্ৰাপ্ত শিক্ষক যোগানন্দ বৰুৱা, অনন্ত সোনোৱাল, মনোৰঞ্জন লাগাছু , স্বপন মণ্ডল ,অজিত গোহাঁই ,ৰাজীৱ দেউৰী, ৰিকুন দত্ত , বাবুল বড়া, অশ্বিনী কুমাৰ দুৱৰা , তিনি অধ্যাপক ক্ৰমে ৰিদিপ ফুকন, মাৰ্ধুয্য গগৈ আৰু শংকৰ পালে ৷
সভাত কেইবাটাও গুৰুত্বপূৰ্ণ প্ৰস্তাৱ সিদ্ধান্তও গ্ৰহন কৰা হয় ৷ সভাই আগন্তুক দুবছৰৰ বাবে ড° বনজিৎ ভট্টক সভাপতি, যোগানন্দ বৰুৱাক উপ- সভাপতি, অশ্বিনী কুমাৰ দুৱৰাক সম্পাদক , ৰিকুন দত্তক সহকাৰী সম্পাদক, মাৰ্ধুয্য গগৈক কোষাধ্যক্ষ হিচাপেলৈ গাওঁখনৰ এখনি শক্তিশালী গাওঁ উন্নয়ন সমিতি গঠন কৰা হয় ৷ প্ৰথম পদক্ষেপ হিচাপে সভাই অহা ২৩জুনত গাওঁখনত ৰাজহুৱাভাৱে গছপুলি ৰোপনৰ কাৰ্যসূচী সিদ্ধান্ত লয় ৷
