ডিজিটেল সংবাদ,ধেমাজি: ধেমাজি জিলা প্ৰশাসনৰ উদ্যোগত বুধবাৰে চহৰখনৰ ৰাজহুৱা প্ৰেক্ষাগৃহত ৰাজ্য চৰকাৰৰ শিক্ষা বিভাগৰ আৰোহণ আঁচনিৰ অধীনত অভিজ্ঞতা সম্পন্ন সমল ব্যক্তিৰ সৈতে শিক্ষাৰ্থীৰ এক মনোগ্ৰাহী বিনিময় অনুষ্ঠানৰ আয়োজন কৰা হয়।
ধেমাজি শিক্ষা বিভাগৰ সহযোগত অনুষ্ঠিত এই সভাত জিলাখনৰ ১৫৭খন চৰকাৰী বিদ্যালয়ৰ নৱম আৰু দশম শ্ৰেণীৰ পাৰদৰ্শী ছাত্ৰ-ছাত্ৰী সকলে অংশগ্ৰহণ কৰে। পুৱা ১১ বজাত জিলা আয়ুক্ত অংকুৰ ভৰালীয়ে বন্তি প্ৰজ্বলনেৰে কাৰ্য্যসূচী শুভাৰম্ভ কৰে ৷ ধেমাজি জিলা বিদ্যালয় সমূহৰ পৰিদৰ্শক বিতোপন হাজৰিকাই আদৰণি ভাষণ দিয়া পিছতেই ছাত্ৰ-ছাত্ৰী সকলৰ সৈতে সমল ব্যক্তি সকলে মত বিনিময় কৰে৷
অনুষ্ঠানত ছাত্ৰ-ছাত্ৰী সকলৰ মাজত মোবাইল ব্যৱহাৰৰ উপকাৰীতা,ইন্টাৰনেটৰ সুপ্ৰয়োগ,চিকিৎসক,শিক্ষক,প্ৰশাসনিক বিষয়া,আৰক্ষী বিষয়া, ভাৰতীয় সেনাবাহিনী বিষয়া,বৈজ্ঞানিক, সাংবাদিককে ধৰি বিভিন্ন ক্ষেত্ৰত কেৰিয়াৰৰ গঢ়া সন্দৰ্ভত পৰামৰ্শ আগবঢ়ায়।
অনুষ্ঠানত ছাত্ৰ-ছাত্ৰী সকলৰ সৈতে মত বিনিময় কৰে ধেমাজি জিলা উন্নয়ন আয়ুক্ত বিশ্বজিৎ ফুকন,জিলা অতিৰিক্ত আয়ুক্ত,ড° সঞ্জীৱ ফুকন, ভাৰতীয় সেনাৰ লিকাবালি ডিভিজনৰ লেফটেনেণ্ট গিৰি গুণ্দু,ধেমাজি জিলা অতিৰিক্ত আৰক্ষী অধীক্ষক (অপৰাধ ) শাখাৰ জিকিৰাণী মহন্ত, সহকাৰী আয়ুক্ত বিষ্ণু শইকীয়াকে ধৰি বহুকেইজন বিশিষ্ট ব্যক্তিয়ে ৷
