ডিজিটেল সংবাদ, ধেমাজিঃ চুবুৰীয়া ৰাজ্য অৰুণাচল প্ৰদেশত হোৱা মুষলধাৰ বৰষুণৰ ফলত ধেমাজিত জীয়াঢল নদীৰ বানত পুনৰ বুৰিল ভজো গাঁৱৰ ১৫ নং ৰাষ্ট্ৰীয় ঘাইপথ ৷ পাহাৰৰ পৰা নামি অহা জীয়াঢল কাংকু সুঁতিয়ে ১৫ নং ৰাষ্ট্ৰীয় ঘাইপথৰ ভজো গাওঁ অংশত তাণ্ডৱ সৃষ্টি কৰি আহিছে।
ভজো গাওঁ, দুলুংকান, ঘেয়াৰী, চেঁচা, শালমাৰী, গৰৈমাৰী অঞ্চলো পুনৰ বানৰ কবলত। সোমবাৰে পুৱাৰে পৰা অৰুণাচল পাহাৰত নেৰানেপেৰা বৰষুণ হোৱাৰ ফলত জীয়াঢলৰ বাঢ়নি পানী ফেনে-ফুটুকাৰে উফন্দি আহি ১৫নং ৰাষ্ট্ৰীয় ঘাইপথৰ ওপৰৰে ডেৰ ফুট পৰ্যন্ত পানী বাগৰে ৷
