ধেমাজিত মুণ্ডহীন অচিনাক্ত মৃতদেহ উদ্ধাৰ...

ডিজিটেল সংবাদ , ধেমাজিঃ ধেমাজি আৰক্ষী থানাৰ পৰা প্ৰায় ১২ কিলো মিটাৰ নিলগৰ চমৰাজানৰ নৰাবিলত মঙ্গলবাৰে ৰে'লৱে লাইনৰ ওপৰতে পৰি থকা অৱস্থাত অচিনাক্ত মুণ্ডছেদ হোৱা এটা মৃতদেহ ৰে'লৱে আৰক্ষীয়ে উদ্ধাৰ কৰে ৷

চিলাপথাৰ জি আৰ পি অ পিৰ ৰে'লৱে আৰক্ষী থানাৰ অধীনস্থ আৰক্ষী বিষয়া উমেশ চন্দ্ৰ ৰেগনে জনোৱা মতে যোৱা কালি বিয়লিৰে পৰা সেই অঞ্চলতে ঘূৰি থকা  অচিনাক্ত প্ৰায় ৪০ উৰ্ধত যুৱকজনে কোন মুহূৰ্ততে এনে দুৰ্ঘটনা সংঘটিত হৈছে  ই সচাকৈয়ে অতি মৰ্মান্তিক আৰু দুখজনক ঘটনা বুলি আৰক্ষীৰ আগত দাতিকাষৰীয়া গাঁৱৰ ৰাইজে  অবগত কৰে ৷

ৰে'লৱে আৰক্ষীয়ে ইতিমধ্যে ঘটনা তদন্ত কৰিছে যদিও এতিয়ালৈকে ঘটনা সবিশেষ  পোহৰলৈ অহা নাই ৷ৰে'লৱে আৰক্ষীয়ে জনোৱামতে মৃত যুৱকজনে পিন্ধনত ক'লা পেন আৰু বগা ক'লা স্পটিং  লগতে প্ৰায় ৫ ফুট ৫ ইঞ্চি মান উচ্চতাৰ হোৱা মৃতদেহটোৰ বিষয়ে কিবা জানিবলৈ বিচৰা লোক সকলক চিলাপথাৰ ৰে'লৱে আৰক্ষীৰ সৈতে যোগাযোগ কৰিবলৈ ৰে'লৱে আৰক্ষীয়ে অনুৰোধ জনাইছে ৷